Mazamure Maxaafaa 40:10 - Wolaytta Bible

¹⁰ Taani ne xillotettaa ta wozanaa giddon qosabeikke; neeni ammanettiyoogaanne ashshiyoogaa yootaas. Qassi aggenna ne siiquwaanne ne tumatettaa ne kunttida yaa7aappe genttabeikke.

Mazamure Maxaafaa 40:10 Iomraidhean Croise

Mazamure Maxaafaa 22:26

Hiyyeesati miidi kallana. GODAA koyiyaageeti a galatana. Eti merinau duretana.

Mazamure Maxaafaa 25:10

GODAA maachchaanne a awaajjuwaa naagiyaageetayyo a ogee ubbai tumatettanne aggenna siiqo.

Mazamure Maxaafaa 34:6

Ha hiyyeesa bitanee waassiis; waassin GODAI a waasuwaa siyiis; a metuwaa ubbaappe a ashshiis.

Mazamure Maxaafaa 75:9

SHin taani Yaaqooba Xoossaabaa yootananne merinau a sabbana.

Mazamure Maxaafaa 89:1

Abeet GODAU, aggenna ne siiquwaabaa taani merinau yexxana. “GODAI ammanettiyaagaa” gaada, yeleta ubbaayyo ta doonan awaajjana.

Isiyaasa 49:6

“Neeni Yaaqooba zariyaa denttanaunne Israa7eelappe attidaageeta zaarada ehaanau, neeni taayyo ashkkara gidiyoogee qii guuttabaa. Hegaa gishshau, ta atotettai biittaa gaxaa gakkanaadan, taani nena kawotettatuyyo poo7o oottana” yaagees.

Hizqqeela 2:7

Eti makkalanchcha zare gidiyo gishshau, siyin ixxin, ta qaalaa etau yoota.

Mikiyaasa 7:20

Neeni beniisappekka doommada nu maizza aawatussi geppada caaqqidoogaadan, Abrahaamanne Yaaqooba zare gidida ne asaassi ne ammanettiyoogaanne ne aggenna siiquwaa bessana.

Luqaasa 3:6

Asai ubbai Xoossai ashshiyoogaa be7ana’ giis” yaagiis.

Yohaannisa 1:17

Aissi giikko, Xoossai higgiyaa Muuse baggaara immiis; shin aaro kehatettainne tumatettai Yesuus Kiristtoosa baggaara yiis.

Roome 10:3

Aissi giikko, Xoossai asaa xillissiyo ogiyaa eti erennan, bantta huuphe xillotettaa essanau koyidosona; qassi bantta huuphen Xoossai asaa xillissiyo ogiyau haarettibookkona.

Koiro Tasalonqqe 1:8

Aissi giikko, Godaa qaalai intteppe kiyidi, Maqidooniyaaninne Akaayiyaa xalaalan siyettibeenna; shin Xoossaa intte ammaniyoogee ubbasan siyettiis. Simmi nuuni haasayanau koshshiyaabi aibinne baawa.

Koiro Ximootiyoosa 1:15

Kiristtoos Yesuusi nagaranchchata ashshanau ha sa7aa yiis giyo haasayai ammanettidaagaanne asai ubbai tuma giidi ekkanau bessiyaabaa. Ubbaappe aadhdhiya nagaranchchai tana.

Ajjuutaa 22:17

Geeshsha Ayyaanainne bullashettiyaara, “Haaya” yaagoosona. Qassi hagaa siyiya ooninne, “Haaya” yaago. Saamettida asi ooninne haa yo. De7o haattaa koyiya asi ooninne coo ekko.