Mazamure Maxaafaa 4:3 - Wolaytta Bible

³ SHin GODAI Xoossaa asata baayyo dummayi wottidoogaa intte erite. Taani GODAA xeesiyo wode, i taayyo siyees.

Mazamure Maxaafaa 4:3 Iomraidhean Croise

Mazamure Maxaafaa 31:23

Inttenoo, Xoossaa asatoo, GODAA siiqite. GODAI ammanettiyaageeta naagees; shin otoranchchatussi eta waagaa wurssi qanxxees.

Mazamure Maxaafaa 34:15

GODAA aifee xillotukko xeellees; qassi i ubba wode eta waasuwaa ezggees.

Mazamure Maxaafaa 49:3

Ta wozanaa qofai ciimma; ta doonai aadhdhida eratettaa haasayana.

Mazamure Maxaafaa 50:5

Xeesidi, “Yarshshuwaa yarshshiyoogan tanaara maachchaa maacettida Xoossaa asata taakko shiishshite” yaagiis.

Mazamure Maxaafaa 56:9

Taani nena xeesiyo wode, ta morkketi guyye simmana. Xoossai ta bagga gidiyoogaa taani erais.

Mazamure Maxaafaa 6:8

GODAI taani yeekkiyo yeehuwaa siyido gishshau, inttenoo, iitaa oottiya ubbatoo, taappe shaahettite.

Mazamure Maxaafaa 62:10

Makkalan ammanettoppite; bonqqi shiishshidi duretanau halchchoppite. Intte duretettai darikkokka, intte wozanaa a bolli wottoppite.

Kessaabaa 33:16

Neeni nunaara beennan xayikko, tanaaninne ne asaani neeni ufaittidoogaa asai ubbai waani eranee? Biitta ubban de7iya hara asa ubbaappe tananne ne asaa dummayiyaabi harabi aibee?” yaagiis.

Yohaannisa 15:16

Taani inttena dooridoogaappe attin, intte tana dooribeekketa. Intte biidi aifiyaa aifana mala, taani inttena sunttaas. Qassi Aawaikka intte ta sunttan woossidobaa ubbaa immana.

Efisoona 2:10

Aissi giikko, nuuni Xoossaa mereta; i nuuyyo kasetidi giigissi wottido lo77o oosuwaa nuuni oottanaadan, Kiristtoos Yesuusa baggaara nuna medhdhiis.

Naa77antto Ximootiyoosa 2:19

Gidikkokka, Xoossai essido mino tuussai qaaxxana danddayenna. Qassi a bollan, “Godai baageeta erees”; qassi “Godaabaa gidiya ooninne iita ooso aggi bayo” yaagiya qaalati xaafettidosona.

Tiitu 2:14

Iita ooso ubbaappe i nuna wozanaunne lo77obaa oottanau amottiya ba geeshsha asa kessanau, nu gishshau, ba huuphiyaa immiis.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.

Naa77antto PHeexiroosa 2:9

Hegaa gidikko, Godai Xoossau goinniya asata paaciyaappe waati ashshanaakko erees; nagaranchchata qassi ubbaappe aattidi, tuna amuwan ashuwaa amuwaa kaalliyaageetanne qassi Xoossaa wolqqaa kariyaageeta, pirddaa gallassai gakkanaassi Godai qaxxayiiddi wottanaagaakka erees. Wordduwaa tamaarissiya hegeeti xalanne otoranchcha gididoogan, bollan de7iya bonchcho meretaa cayoosonappe attin, bonchchokkona.