Mazamure Maxaafaa 4:1 - Wolaytta Bible

¹ Abeet tana xillissiya Xoossau, taani nena xeesiyo wode, taayyo koya. Taani un77ettido wode, neeni tana shemppissadasa. Taayyo neeni qarettada ta woosaa siya.

Mazamure Maxaafaa 4:1 Iomraidhean Croise

Iyyooba Maxaafaa 36:16

“Xoossai nena metuwaappe kessiis; kessidi metoi bainna aaho sohuwaa efiis; ne miyo masoofiyankka modhdhuwaa guuppiis.

Mazamure Maxaafaa 11:7

GODAI xillo gidido gishshau, xillotettaa dosees. Suure asati a sinttaa be7ana.

Mazamure Maxaafaa 116:16

Abeet GODAU, taani ne ashkkaraa; ee, taani ne ashkkaraa, ne ashkkaree na7aa. Tana qashuwaappe neeni birshshadasa.

Mazamure Maxaafaa 116:6

GODAI maaddiyaabi bainnaageeta naagees; taani metootido wode, i tana ashshiis.

Mazamure Maxaafaa 119:132

Haa taakko simma; ne sunttaa siiqiyaageetu ubbau neeni oottiyoogaadan taassikka qaretta.

Mazamure Maxaafaa 143:2

Ne sinttan xillo gidana asi baawa; hegaa gishshau, tana ne ashkkaraa pirddau shiishshoppa.

Mazamure Maxaafaa 17:6

Abeet Xoossau, taani woossin, neeni siyiyo gishshau, taani nena woossais. Ne haittaa taakko zaarada, taani neeyyo yootiyoogaa ezgga.

Mazamure Maxaafaa 22:1

Ta Xoossau, ta Xoossau, tana aissi aggadii? Tana maadda gaada taani neeyyo watiwatiyo wode, aissi taappe haakkai?

Mazamure Maxaafaa 24:5

I GODAAPPE anjjuwaa ekkana; ashshiya Xoossaappe i xillotettaa ekkana.

Mazamure Maxaafaa 25:16

GODAU, taani tarkka de7iya qohettida asa gidiyo gishshau, haa taakko simma; taayyo qaretta.

Mazamure Maxaafaa 31:8

Neeni tana morkkiyaa kushiyan aattada immabaakka; ta tohotakka aaho sohuwan essadasa.

Mazamure Maxaafaa 41:12

Neeni tana ta suuretettaa gishshau kaafadasa; ne sinttan tana merinau wottadasa.

Mazamure Maxaafaa 42:1

Gaarai goggiya haattaa laamotiyoogaadan, abeet Xoossau, hegaadan taanikka nena laamotais.

Mazamure Maxaafaa 45:1

Taani ha yettaa kawuwaassi xaafiyo wode, ta wozanai lo77o qofaa pulttees; ta inxxarssai lo77o xaafiya asa biiriyaa mala.

Mazamure Maxaafaa 56:1

Abeet Xoossau, asati tana yedhdhiyo gishshaunne gallassa ubbankka ta morkketi tana qohido gishshau, taayyo qaretta.

Mazamure Maxaafaa 57:1

Tana maara; abeet Xoossau, tana maara; taani neekko baqatais. Taani bashshai aadhdhana gakkanaassi, ne qefiyaa giddo baqatada attais.

Mazamure Maxaafaa 6:1

Abeet GODAU, ne hanqquwan tana seeropparkkii; woikko ne yiilluwan tana qaxxayopparkkii.

Mazamure Maxaafaa 67:1

Xoossai nuuyyo qarettonne nuna anjjo; ba som77uwaa nu bollan poo7isso.

Mazamure Maxaafaa 76:1

Xoossai Yihudan erettidaagaa; a sunttai Israa7eelan gita.

Isiyaasa 45:24

“Eti tabaa haasayiiddi, 'Xillotettainne minotettai GODAA xalaalan de7ees' yaagana” yaagees. A ixxiyaageeti ubbai akko yaana; yiidi yeellatana.

Ermmaasa 23:6

I kawotiyo laittan taani Yihudaa ashshana; Israa7eelakka saro wottana. I xeesettana sunttai GODAA, nu Xillotettaa geetettana” yaagees.

Imbbaaqooma 3:19

Ubbaa Haariya GODAI tau wolqqa; ta tohuwaa gaaraa tohuwaadan minttees; taani xoqqa sohotun hemettanau tana danddayissees. (Yexxiyaageeta kaalettiyaagaa hassayissiyoobaa: ha mazamuree diixxiyoobaa diixxiiddi yexxiyo mazamure.)

Koiro Qoronttoosa 1:30

SHin Xoossai inttessi Kiristtoos Yesuusa baggaara de7uwaa immiis. I nuussi Kiristtoosa aadhdhida eratettaa, xillotettaa, geeshshatettaanne qassi atotettaa immiis.

Naa77antto Qoronttoosa 1:10

Xoossai hagaa mala iita haiquwaappe nuna ashshiis; i nuna ashshana; sinttappekka i nuna ashshana giidi, ufaissan naagi uttida.

Naa77antto Qoronttoosa 1:8

Nu ishatoo, nuuni Isiyaa biittan waayettido waayiyaa inttena hassayissanau koyoos; nu waayee nu wolqqaappe darin, nuna worees giidi, nuuni hirggana gakkanaassi, nuna wogi bainnaagaa deexxiis.

Sameela Maxaafaa Koiruwaa 17:37

Gaammuwaanne beeriyaa xugunttaappe tana ashshida GODAI ha Pilisxxeemiyaa kushiyaappekka ashshana” yaagiis. Saa7ooli Daawita, “Ba; Xoossai nenaara gido” yaagiis.