Mazamure Maxaafaa 39:12 - Wolaytta Bible

¹² “Abeet GODAU, ta woosaa siya; tana maaddanau ta waasuwaa ezgga. Ta afuttaa co77u gooppa; aissi giikko, taani ta aawatu ubbaadan betenne imatta gidada, nenaara de7ais.

Mazamure Maxaafaa 39:12 Iomraidhean Croise

Doomettaabaa 21:34

Abrahaami Pilisxxeema biittan daro wodiyaa de7iis.

Doomettaabaa 47:9

Oichchin Yaaqoobi kawuwaa, “Taani yuuyaidda de7ido laittai xeetanne hasttama; ta laittai beni ta aawati yuuyiiddi de7ido laittatuppe guuttanne metoi daridoogaa” yaagiis.

Sameela Maxaafaa Naa77anttuwaa 16:12

Ooni erii, GODAI ta metuwaa be7idi, taani hachchi ekkiyo qanggettaa gishshau taayyo kehaa zaaranaakkonne” yaagiis.

Kawotu Maxaafaa Naa77anttuwaa 20:5

Yiidi, “Guyye simmada ba; baada ta asaa kaalettiya Hizqqiyaasayyo hagaadan yaagada oda; 'GODAI, ne maizza aawaa Daawita Xoossai hagaadan yaagees; “Taani ne woosaa siyaas; ne afuttaakka be7aas. Taani nena pattana; heezzu gallassaappe guyyiyan, neeni pude GODAA Beeta Maqidasiyaa baana.

Hanidabaa Odiya Koiro Maxaafaa 29:15

Kase nu aawatu ubbaadan nuunikka ne sinttan betenne imatta. Ha sa7aa bollan nu de7o laittai kuwaadan aadhdhiyaagaa; nuuni haiqoppe attanau danddayokko.

Iyyooba Maxaafaa 13:28

Taani musidabaadaaninne bil77ai miido afaladan musais.

Iyyooba Maxaafaa 16:20

Ta laggeti tana karidi xeelloosona; ta aifee Xoossaa sinttan afuttaa tigees.

Mazamure Maxaafaa 102:1

Abeet GODAU, ta woosaa siya; ta waasoi neekko gakko.

Mazamure Maxaafaa 116:3

Haiqoi piredan tana oiqqanau haniis; moogettana hirggai tana iissiis. Tana gashee toliis.

Mazamure Maxaafaa 119:19

Taani ha sa7an imatta; ne azazota taappe genttoppa.

Mazamure Maxaafaa 119:54

Taani de7iyo allaga biittan ne awaajjoi taayyo yexxiyoobaa gidiis.

Mazamure Maxaafaa 56:8

Neeni ta metoi woisaakko qoodadasa. Taani woisu afuttaa tigidaakko, neeni eraasa. Eti ne mazggafan de7okkonaa?

Mazamure Maxaafaa 90:9

Nu gallassa ubbai ne hanqquwan aadhdhiis; nu laittaa issi ooledan wurssoos.

Wogaabaa 25:23

“'Biittai tabaa gidiyo gishshaunne inttekka ha biittan imattanne bete gididi de7iyo gishshau, biittaa naa77antto simmennaadan baizzoppite.

Naa77antto Qoronttoosa 5:6

Hegaa gishshau, nuuni ubba wode ammanettoos; qassi nuuni nu sooni ha asatettan de7ido keenan, Godaappe shaahettidi de7iyoogaakka eroos.

Ibraawe 11:13

He asati ubbati ammanuwan haiqqidosona; banttau Xoossai immana giidoogaakka ekkibookkona; shin haahuwan hegaa be7idi, sarotidosona. Qassi eti sa7an imattanne yedetettidi kiyida asata gididoogaa eridosona.

Ibraawe 5:7

Yesuusi sa7an de7iyo wode, bana haiquwaappe ashshanau danddayiya Xoossaa keehi yeekkidinne afuxxidi woossiisinne oichchiis; Xoossai a woosaa siyidoogee, i bana toochchidoogaassanne bau yayyidoogaassa.

Koiro PHeexiroosa 1:17

Asa huuphen huuphen som77o xeellennan a huuphe huuphe oosuwaadan pirddiya Xoossaa woossiiddi intte, “Nu Aawau” giidi a xeesiyaabaa gidikko, ha sa7aa bolli intte de7iyo wodiyan yashshatettan de7ite.

Koiro PHeexiroosa 2:11

Ta dabbotoo, intte ha sa7an imattanne yedettin asasan de7iyaageeta gididoogaadan, ubba wode intte shemppuwaara olettiya asatettaa amuwaappe intte haakkana mala, taani inttena woossais.