Mazamure Maxaafaa 37:40 - Wolaytta Bible

⁴⁰ GODAI xillota maaddeesinne ashshees. Eti akko baqatido gishshau, i eta iitatuppe wotti ekkeesinne ashshees.

Mazamure Maxaafaa 37:40 Iomraidhean Croise

Hanidabaa Odiya Koiro Maxaafaa 5:20

Eti he asatuura olettiiddi, Xoossaakko waassido gishshau, maaduwaa demmidosona. Eti Xoossan ammanettido gishshau, i etau woosettiis. Hegaa gishshau, Aggaari yaratinne etaara de7iya harati eta kushiyan gelidosona.

Mazamure Maxaafaa 17:13

Abeet GODAU, dendda. Ta morkketuura eqettada xoona; ne bisuwan iitatuppe tana ashsha ekka.

Mazamure Maxaafaa 27:2

Iita asati, ta ixotinne ta morkketi tana woranau taakko horddofiyo wode, eti banttau xubettidi kunddana.

Mazamure Maxaafaa 34:20

GODAI a mintti naagiyo gishshau, a meqettaappe issoinne meqqenna.

Leemiso Maxaafaa 20:22

Neeyyo iitaa oottida urau, taanikka ayyo iitaa oottana gooppa; GODAN ammanettada naaga; i nena ashshana.

Isiyaasa 31:5

Kafoi bollaara aallanttiyoogaadan, Ubbaappe Wolqqaama GODAI Yerusalaame gonddallananne ashshi ekkana; i a bollaara kanttidi, a wotti ekkana” yaagees.

Isiyaasa 46:4

Intte cimmana gakkanaashinkka taani tanakka; intte puulummana gakkanaashinkka, taani inttena maaddana. Taani inttena medhdhaas; taani inttena denttana; taani inttena tookkananne ashshana.

Daaneela 3:17

Kawuwau, nuuni eexxiya itoone tamaa giddo olettiyaakkokka, nuuni ayyo oottiyo Xoossai he tamaappe nuna ashshanau danddayees. Qassi kawuwau, i nuna ne kushiyaappekka ashshana.

Daaneela 3:28

Hegaappe guyyiyan, Naabukadanaxoori hagaadan yaagiis; “Sidiraaqa, Misaaqanne Abddanaago Xoossai galatetto! I ba kiitanchchaa kiittidi, banan ammanettida ba ashkkarata ashshiis. Eti kawuwaa azazuwaa ixxidosona; bantta Xoossaappe attin, hara xoossaassi oottanaappenne goinnanaappe haiqqanaagaa dosidosona.

Daaneela 6:23

Yaagin kawoi keehippe ufaittiis; ufaittidi Daaneela ollaappe kessanaadan azaziis. Daaneeli ollaappe kiyiis; ba Xoossan i ammanettido gishshau, a bollan aiba deshettikka beettibeenna.

Koiro Yohaannisa 5:18

Xoossaa na7i ooninne nagara ubba wode oottennaagaa nuuni eroos. Aissi giikko, Xoossaa na7ai a naagees; qassi xalahee halaqaikka a qohanau danddayenna.