Mazamure Maxaafaa 37:32 - Wolaytta Bible

³² Iita asi xillo asa wochcheesinne woranau koyees.

Mazamure Maxaafaa 37:32 Iomraidhean Croise

Doomettaabaa 39:16

A godai soo yaana gakkanaassi a Yooseefa afalaa ba matan wottaasu.

Kawotu Maxaafaa Naa77anttuwaa 6:13

Yaagin kawoi, “Taani asa kiittada a omooddanaadan, biidi awan de7iyaakkonne koyite” yaagiis. Guyyeppe eti, “I Dootaana giyo kataman de7ees” yaagidi yootidosona.

Mazamure Maxaafaa 37:12

Iita asi xillo asa bolli maqetteesinne ba achchaa garccees.

Mazamure Maxaafaa 56:7

Eta iitatettaa gishshau, eta yeddoppa; ne hanqquwan he asata ziqqi ootta.

Leemiso Maxaafaa 24:15

Xilluwaa keettaanne aquwaa bonqqanau qoppiya iita asadan hanoppa.

Ermmaasa 11:19

Taani shuhau kaalettidi efiyo aada dorssa maraa mala gidaas. Eti ta bolli, “Ane nuuni mittaakka a aifiyaakka xaissoos. A sunttai mulekka hassayettenna mala, ane nuuni a paxa de7iyaageetu giddoppe xoqollidi xaissoos” yaagidi maqettidobaa taani erabeikke.

Ermmaasa 18:23

SHin abeet GODAU, eti tana woranau maqettidoogaa ubbaa neeni eraasa. Neeni eta iitatettaa atto gooppa, woikko eta nagaraa ne sinttappe quccoppa. Eti ne sinttan xoonettidi kunddona. Ne hanqquwaa wode neeni eta hagaadan ootta.

Ermmaasa 20:10

Taani daro saasukettaa siyais; “Yan han dagamai de7ees! Ane a mootite! Nuunikka a mootoos” yaagoosona. Taayyo mata laggeti ubbai ta kunddettaa naagidi, “Ooni erii, nuuni a oiqqana malanne nu haluwaa kessana mala, i cimettanau danddayees” yaagoosona.

Daaneela 6:5

Wurssettan eti giiddi, “A Xoossaa higgiyaa baggaara gidikkoppe attin, hara baggaara Daaneela mootiyoobaa demmokko” yaagidosona.

Luqaasa 14:1

Issi Sambbata gallassi Yesuusi Parisaawetu halaqatuppe issuwaa soo laaxaa maanau biis. He wode eti a daro naagoosona.

Luqaasa 20:20

Hegaassi injjetiya wodiyaa naagidi, Yesuusa haasayissiiddi, a doonaappe balabaa demmidi, a oiqqinne deriyaa haariyaagaa wolqqaassinne a alaafetettaassi aattidi immana mala, xillo milatiiddi xillo gidenna kafota akko yeddidosona.

Luqaasa 6:7

Higgiyaa tamaarissiyaageetinne Parisaaweti Yesuusa mootiyoobaa demmanau, i Sambbatan asa pattikko be7ana yaagidi naagi uttidosona.

Yesuusi Kiittidoogeetu Oosuwaa 9:24

SHin Aihudati bana woranau qoppidoogaa Saa7ooli siyiis; eti a woranau qamminne gallassi katamaa penggiyaa naagoosona.

Sameela Maxaafaa Koiruwaa 19:10

Saa7ooli Daawita godaara gattidi sikkanau tooraa xonggiis; shin Daawiti appe halettiis; halettin toorai godan torettiis. He gallassa qammi Daawiti baqatidi kessi ekkiis.

Sameela Maxaafaa Koiruwaa 23:14

Daawiti bazzo qatotuuninne Ziifa bazzuwan de7iya keratun de7iis. Saa7ooli a demmanau ubba gallassi koyees; shin Xoossai a Saa7oola kushiyan aatti immibeenna.