Mazamure Maxaafaa 37:12 - Wolaytta Bible

¹² Iita asi xillo asa bolli maqetteesinne ba achchaa garccees.

Mazamure Maxaafaa 37:12 Iomraidhean Croise

Doomettaabaa 39:16

A godai soo yaana gakkanaassi a Yooseefa afalaa ba matan wottaasu.

Asttiri Maxaafaa 3:5

Marddikiyoosi baayyo gulbbatennaagaanne bana bonchchennaagaa Hamaani erido wode, hanqquwaa tamaadan eexxi kiyiis.

Asttiri Maxaafaa 3:6

Hegaa bollikka qassi, Marddikiyoosi Aihuda asa gidiyoogaa eriis; eridi a xalaalaa qaxxayiyoogee laafabaa giidi qoppido gishshau, Arxxekssiisa kawotettaa giddon de7iya Aihuda zariyaa ubbaa woranau halchchiis.

Asttiri Maxaafaa 5:13

SHin he Aihudai Marddikiyoosi kawo keettaa geliyo penggen uttidaagaa be7iyo wode, ha ubbabaikka tana kalissenna” yaagiis.

Mazamure Maxaafaa 31:13

Taani darotu saasukettaa siyaas; dagamai ubbasaara de7ees. Eti ta bolli yaa7oosonanne tana woranau maqettoosona.

Mazamure Maxaafaa 34:22

GODAI ba ashkkarata ashshees. Akko baqatida ooninne pirddettenna.

Mazamure Maxaafaa 35:16

Eti wobbiyaa asa baceessiyaabaadan tana baceessoosona; eti yiillotidi, bantta achchaa garccidosona.

Mazamure Maxaafaa 37:32

Iita asi xillo asa wochcheesinne woranau koyees.

Daaneela 8:12

Makkalaa gaasuwan geeshshatu olanchchatinne hachchi hachchi yarshshiyo yarshshoi he kaciyaassi imettiis. Tumaikka sa7an olettiis; he kacee oottiyoobai ubbai ayyo injjetiis.

Daaneela 8:24

I keehi mino gidana; shin ba wolqqaana gidenna. Daganttiya bashshaa i bashshana; i oottiyoobai ubbabai ayyo injjetana. I mino asatanne geeshsha asata xaissana.

Mikiyaasa 2:1

Iitabaa halchchiyaageetuyyo, qassi bantta hiixan de7iiddi, palabaa waati oottanaakko qoppiyaageetuyyo aayye7ana! Wolqqai eta kushiyan de7iyo gishshau, sa7ai wonttiyo wode, bantta halchchuwaa poloosona.

Maatiyoosa 26:16

Hegaappe guyyiyan, Yihudai Yesuusa aattidi immanau injjetiya wodiyaa wochchees.

Maatiyoosa 26:4

asi erennan Yesuusa oiqqidi, woranau maqettidosona.

Sameela Maxaafaa Koiruwaa 18:21

I ba wozanan, “Ayyo pire gidana malanne Pilisxxeema asati a worana mala, taani Miikaalo Daawitayyo immana” yaagidi qoppiis. Hegaa gishshau, Saa7ooli Daawita, “Neeni tanaara bollotanau hagee neeyyo naa77antto qaada” yaagiis.