Mazamure Maxaafaa 34:2 - Wolaytta Bible

² Taani GODAN ceeqettais; naaqettidaageeti hegaa siyidi ufaittona.

Mazamure Maxaafaa 34:2 Iomraidhean Croise

Iyyooba Maxaafaa 1:21

hagaadan yaagiis; “Taani ta aayee uluwaappe kallo yelettaas; haiqqiyoodekka taani ekkada biyoobi baawa. GODAI immiis; GODAI zaaridi ekkiis. GODAA sunttai galatetto” yaagiis.

Mazamure Maxaafaa 105:3

A geeshsha sunttan ceeqettite; GODAA koyiyaageetu wozanati ufaittona.

Mazamure Maxaafaa 119:74

Taani ne qaalan ufaissaa oottido gishshau, neessi yayyiyaageeti tana be7idi ufaittona.

Mazamure Maxaafaa 142:7

Taani ne sunttaa galatana mala, tana qashuwaappe birshsha. Neeni taayyo kehiyo gishshau, xilloti ta yuushuwan shiiqana.

Mazamure Maxaafaa 44:8

Nuuni ubba wode Xoossan ceeqettoos; ne sunttaassi merinau galataa immana.

Isiyaasa 45:25

SHin Israa7eela zerettai ubbai GODAN, xoonuwaanne bonchchuwaa demmana.

Ermmaasa 9:24

SHin ceeqqiya urai ooninne tana eriyoogaaninne akeekiyoogan ceeqqo. Aggenna siiquwaa, suure pirddaanne xillotettaa sa7aa bollan oottiya GODAA, tana eriyoogan ceeqqo. Aissi giikko, taani hageetan ufaittais. Taani GODAI hagaa odaas” yaagees.

Koiro Qoronttoosa 1:31

Hegaa gishshau, Xoossaa maxaafai, “Ceeqqiya urai ooninne Godan ceeqqo” yaagees.

Naa77antto Qoronttoosa 10:17

SHin Xoossaa maxaafai, “Ceeqqiya urai ooninne Godan ceeqqo” yaagees.