Mazamure Maxaafaa 34:15 - Wolaytta Bible

¹⁵ GODAA aifee xillotukko xeellees; qassi i ubba wode eta waasuwaa ezggees.

Mazamure Maxaafaa 34:15 Iomraidhean Croise

Hanidabaa Odiya Naa77antto Maxaafaa 6:40

“Ha77ikka abeet ta Xoossau, ha sohuwan woossiyo woosaa ne aifee xeello; ne haittaikka ezggo.

Iyyooba Maxaafaa 36:7

Xoossai ba aifiyaa xillotuppe denttenna. I eta kawotuura utissidi, merinau xoqqu xoqqu oottees.

Mazamure Maxaafaa 130:2

Abeet Godau, ta cenggurssaa siya; taani watiwatiyo watiwatuwaa ne haittai ezggo.

Mazamure Maxaafaa 33:18

GODAA aifeti ayyo yayyiyaanne aggenna a siiquwan ufaissaa oottiya asatu bollaana.

Mazamure Maxaafaa 34:17

Xilloti waassoosona; waassin GODAI eta waasuwaa siyees. I eta meto ubbaappe ashshees.

Mazamure Maxaafaa 34:6

Ha hiyyeesa bitanee waassiis; waassin GODAI a waasuwaa siyiis; a metuwaa ubbaappe a ashshiis.

Mazamure Maxaafaa 37:27

Iitaappe haakka; lo77obaa ootta. Yaatikko, ne zerettai biittan merinau de7ana.

Zakkaariyaasa 8:16

Intte oottanau koshshiyaabati hageeta: issoi issuwaara tumaa haasayite; intte pirdda keettankka tumaanne saruwaa ehiya pirddaa pirddite;

Zakkaariyaasa 8:19

“Ubbaappe Wolqqaama GODAI hagaadan yaagees; 'Oiddantto, ichchashantto, laappunttonne tammantto aginatun intte xoomido xoomati Yihudaa asassi pashkkissiya wodenne ufaissiya gibira gidana. Hegaa gishshau, intte tumatettaanne sarotettaa dosite' yaagees.

Koiro PHeexiroosa 3:12

Aissi giikko, Godaa aifee xillotukko xeellees; qassi i ubba wode eta woosaa ezggees. SHin Godai iitabaa oottiyaageeta ba hanqqo som77uwan xeellees” yaagees.