Mazamure Maxaafaa 33:21 - Wolaytta Bible

²¹ Nuuni a geeshsha sunttan ammanettiyo gishshau, nu wozanai an ufaittees.

Mazamure Maxaafaa 33:21 Iomraidhean Croise

Hanidabaa Odiya Koiro Maxaafaa 16:10

A geeshsha sunttan ceeqettite; GODAA koyiyaageetu wozanati ufaittona.

Hanidabaa Odiya Koiro Maxaafaa 16:35

Hegaappe guyyiyan intte, “Abeet nuna ashshiya Xoossau, nuna ashsha. Nuuni ne geeshsha sunttaa galatanaadaaninne ne bonchchuwan ceeqettanaadan, kawotettatu giddoppe shiishshada ashsha” yaagite.

Mazamure Maxaafaa 13:5

SHin aggenna ne siiquwan taani ammanettais; neeni tana ashshiyo gishshau, taani ufaittais.

Mazamure Maxaafaa 28:7

GODAI taayyo wolqqanne gonddalle; ta wozanai an ammanettees; hegan taani maadettaas. Hegaa gishshau, ta wozanai an ufaittees; taani yettan a sabbana.

Isiyaasa 25:9

He gallassi eti hagaadan yaagana; “Hagee tumu nu Xoossaa; nuuni i nuna ashshanaadan naagida; naagin i nuna ashshiis. Hagee GODAA; nuuni a naagida. Ane a atotettan hashshu goosinne ufaittoos” yaagana.

Zakkaariyaasa 10:7

Israa7eela asai mino olanchchaa mala gidana; woine eessaa uyida asadan, eta wozanai ufaittana. Eta naatikka hegaa be7idi, hashshu gaana; eta wozanai GODAN ufaittana.

Yohaannisa 16:22

Hegaa gishshau, inttekka intte wozanan hirggeeta; shin taani naa77anttuwaa inttena be7ana; qassi intte wozanai keehi ufaittana; intte ufaissaa ooninne intteppe ekkenna.

Ajjuutaa 4:8

Oiddu paxa de7iya meretatuyyo huuphiyan huuphiyan usuppun qefee de7ees; etau bollan garssankka ubbasan aifee kumiis. Eti qamminne gallassi, “Geeshshau, geeshshau, geeshshau, kase de7iyaagoo, ha77ikka de7iyaagoo, qassi sinttappe yaanaagoo, Godau, Ubbaappe Wolqqaama Xoossau” giyoogaa aggokkona.