Mazamure Maxaafaa 33:11 - Wolaytta Bible

¹¹ GODAA halchchoi merinaassi eqqidi de7ees; a wozanaa qofaikka yeleta ubbaa gakkanau de7ees.

Mazamure Maxaafaa 33:11 Iomraidhean Croise

Kawotu Maxaafaa Naa77anttuwaa 19:25

“'Daro wodiyaappe kase neeni gimbbettida katamata qoqqofada, shuchcha keela kessana mala, taani qofaa qachcha wottidoogaa neeni erabeikkii? Taani ha77i poliyo halchchota beni halchcha wottaas.

Iyyooba Maxaafaa 23:13

“Xoossai laamettenna. Aara eqettana, woikko ba koyidobaa i oottennaadan a teqqana asi baawa.

Mazamure Maxaafaa 92:5

Abeet GODAU, ne oosoi ai keesa gitee! Ne qofai ai keesa ciimmee!

Leemiso Maxaafaa 19:21

Asai darobaa halchchees; shin GODAI giidobai polettees.

Eranchchaa Maxaafaa 3:14

Xoossai oottidobai ubbai merinau de7iyaabaa gidiyoogaa taani eraas; i oottidobaa bollan gujjanau woikko appe haa guuttanau danddayettenna. Xoossai hegaa oottidoogee, asai baayyo yayyidi bonchchanaassa.

Isiyaasa 14:24

Ubbaappe Wolqqaama GODAI hagaadan yaagidi caaqqiis; “Taani halchchidoogaadan hanana; taani qoppidoogaadankka polettana.

Isiyaasa 14:27

Ubbaappe Wolqqaama GODAI hagaa qoppido gishshau, a ooni digganau danddayii? A kusheekka micettiis; hegaa ooni guyye zaaranau danddayii?

Isiyaasa 46:10

'Ta qofai minnana; qassi taanikka ta halchchuwaa ubbaa polana' yaagais. Wurssettan hananabaa doomettan, qassi biron hanibeenna yohota beni wodiyaappe doommada awaajjais.

Ermmaasa 29:11

Aissi giikko, taani intteyyo halchchiyo halchchuwaa taani GODAI erais; hegeenne, intteyyo sintta wodiyaanne ufaissaa immana mala, saro halchchoppe attin, iita halchcho gidenna.

Ermmaasa Zilaassaa 3:37

Godai azazibeennaagaa azazidi, polissanau danddayiyai oonee?

Daaneela 4:37

“Ha77i simmi taani Naabukadanaxoori saluwaa Kawuwaa galatais; a xoqqu xoqqu oottaisinne bonchchais. Aissi giikko, i oottiyoobai ubbai likke; a ogeti ubbaikka xillo; qassi otoruwan biyaageeta i kaushshanau danddayees” yaagidi xaafiis.

Mikiyaasa 4:12

SHin eti GODAA qofaa erokkona; a halchchuwaakka akeekokkona. Kattaa qoxxiyo audiyau shiishshido mirqqiyaadan, GODAI eta qaxxayanau shiishshiis.

Efisoona 1:11

Ubbabai Xoossaa qofaadaaninne i giidoogaadan haniis; Xoossai kasetidi qoppi wottidoogaadan, Kiristtoosa baggaara nuuni aageeta gidanaadan, nuna dooriis.