Mazamure Maxaafaa 32:5 - Wolaytta Bible

⁵ Taani ta nagaraa neessi paaxaas; ta iitatettaakka neeppe genttabeikke; “Ta mooruwaa GODAASSI paaxana” gaas. Yaatin, neeni tana deexxida nagaraa atto yaagadasa.

Mazamure Maxaafaa 32:5 Iomraidhean Croise

Sameela Maxaafaa Naa77anttuwaa 12:13

Yaagin Daawiti Naataana, “Taani GODAA bolli nagaraa oottarggaas” yaagiis. Yaagin Naataani, “GODAIKKA ne nagaraa atto girggiis; neeni haiqqakka.

Sameela Maxaafaa Naa77anttuwaa 12:9

Hagaa mala iitabaa GODAA sinttan oottada, aibissi GODAA qaalaa karadii? Hiitiyaa Ooriyoona bisuwan woradasa; yaatada a keettaayyiyo neeyyo ekkadasa. Ee, Amoona asatu bisuwan a woradasa.

Sameela Maxaafaa Naa77anttuwaa 24:10

Asaa qoodidoogaappe guyyiyan, Daawita wozanai shabbarettiis; hegaa gishshau, Daawiti GODAA, “Taani ha oosuwan gita nagaraa oottaas. SHin ha77i abeet GODAU, taani nena woossais; ta mooruwaa, ne ashkkaraa mooruwaa qucca. Taani daro eeyyabaa hanaas” yaagiis.

Sameela Maxaafaa Naa77anttuwaa 24:17

Asaa shociya kiitanchchaa Daawiti be7ido wode, GODAA, “Be7a! Nagaraa oottidaagee tana; taani mooraas! Ha dorssati, eti ai oottidonaa? Hayyanaa, tananne ta aawaa so asaa neeni qaxxayana mala taani woossais” yaagiis.

Kawotu Maxaafaa Koiruwaa 8:50

Ne asai ne bolli oottido nagaraanne moorido mooruwaa atto yaaga; eta omooddidi efiida asati etayyo qarettanaadan ootta.

Hanidabaa Odiya Naa77antto Maxaafaa 6:29

ne asaa Israa7eelappe ooninne woikko ne asai ubbai nena woossikkonne neeyyo watiwatikko, qassi ai asinne ba wozanan un77ettiyoobaanne azzaniyoobaa eridi, ha Beeta Maqidasiyaakko simmidi, ba kushiyaa miccikko,

Izira Maxaafaa 10:11

Ha77i intte nagaraa GODAASSI, intte maizza aawatu Xoossaassi paaxite; i dosiyoobaakka oottite. He biittan de7iya Aihuda gidenna asatuppenne Aihuda gidenna intte machchetuppe shaahettite” yaagiis.

Iyyooba Maxaafaa 31:33

Asai qosiyoogaadan, taani ta nagaraa ta shophphan qosabeikke.

Iyyooba Maxaafaa 33:27

He wode asaa sinttan i hagaadan yaagidi yexxana; 'Taani nagaraa oottaas; suurebaakka geellayaas; shin Xoossai ta mooruwaadan taayyo qanxxibeenna.

Mazamure Maxaafaa 103:12

Awai mokkiyoosaappe awai wulliyoosai haakkiyoogaadan, hegaadankka GODAI nu mooruwaa nuuppe haassees.

Mazamure Maxaafaa 103:3

I ta nagaraa ubbaa atto gees; i ta harggiyaa ubbaappe tana pattees.

Mazamure Maxaafaa 25:16

GODAU, taani tarkka de7iya qohettida asa gidiyo gishshau, haa taakko simma; taayyo qaretta.

Mazamure Maxaafaa 25:18

Ta metuwaanne ta tuggaa neeni be7a. Ta nagaraa ubbaa atto ga.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 38:18

Taani ta iita oosuwaa paaxais; taani ta nagaraa gaasuwan azzanais.

Mazamure Maxaafaa 38:19

Ta morkketi goobanne wolqqaama; tana coo ixxiyaageeti cora.

Mazamure Maxaafaa 51:6

Hekko neeni wozana giddo tumatettaa amottaasa; hegaa gishshau, ne aadhdhida eratettaa tana tamaarissa.

Mazamure Maxaafaa 86:15

SHin abeet Godau, neeni qarettiyanne maariya Xoossaa; hanqqettanau gam77iyaagaa; aggenna siiqoinne ammanettiyoobai dariyoogaa.

Mazamure Maxaafaa 86:5

Abeet Godau, neeni kehanne atto giyaagaa; nena xeegiya ubbaayyo aggenna ne siiqoi dariyoogaa.

Leemiso Maxaafaa 28:13

Ba nagaraa genttiya uri aacenna; shin paaxiyaageenne nagaraa aggiyaagee maarettana.

Leemiso Maxaafaa 30:20

SHaaramuxa maccaasiyaa haniyo hanoikka hegaa mala. A muussaa mausu; shin miidoogaappe guyyiyan, ba doona quccarggada, “Taani ainne moorabeikke” yaagausu.

Isiyaasa 65:24

Eti tana xeesanaappe kasetada taani etau koyana; qassi eti biron haasayishin, taani etau siyana.

Ermmaasa 2:23

Neeni waanada, 'Taani tunabeikke; taani Ba7aala eeqatuyyo goinnanau woxxabeikke' gaanau danddayai? Ane neeni wombban hanidobaa xeella; neeni oottidobaanne akeeka. Neeni yaanne haanne wottaa jaamiya gaameelee mala.

Ermmaasa 2:35

'Taani xillo; tumuppe GODAI ta bolli hanqqettenna' yaagaasa. Neeni, 'Taani nagara oottabeikke' giyo gishshau, taani ne bollan pirddana.

Ermmaasa 3:13

Gidikkonne, neeni, 'Taani GODAA ta Xoossaa bolli makkalaas. Allaga xoossatuura daashsha mittaa ubbaa garssan shaaramuxaas. Ne qaalaayyo azazettabeikke' gaada ne mooruwaa ammananau koshshees. Taani GODAI hagaa odaas” yaagees' yaaga” yaagiis.

Ermmaasa 31:20

“Tumu Israa7eeli taayyo al77o na7ee? I taani siiqiyo na7ee? Ee! Taani darotoo a bolli iitabaa haasayikkokka, a hassayiyoogaa aggabeikke. Hegaa gishshau, ta wozanai a laamotees; taani assi keehi qarettais. Taani GODAI hagaa odais.

Hoose7a 6:1

Israa7eela asai hagaadan yaagees; “Haayite! Ane GODAAKKO simmoos. I nuna mentterettiis, shin i nuna pattana; i nuna masunxxissiis, shin i nu masunttaa qachchana.

Wogaabaa 5:5

“'Ai asinne ha odettida moorotuppe issuwaa oottidabaa gidikko, ba oottido nagaraa paaxo.

Milkkiyaasa 3:8

GODAI, “Asi Xoossa wuuqqii? Wuuqqenna, shin intte tana wuuqqeeta” yaagees. Qassikka intte, “Nuuni nena waati wuuqqiyoonii?” yaageeta. Ubbaappe Wolqqaama GODAI hagaadan yaagees; “Intte asirataaninne imotan tana wuuqqeeta.

Luqaasa 16:15

SHin Yesuusi eta, “Intte asaa sinttan intte huuphiyaa xillissiyaageeta; shin intte wozanaa Xoossai erees; aissi giikko, asa sinttan bonchchettiyaagee Xoossaa sinttan tuna gidees.

Luqaasa 7:47

Hegaa gishshau, taani inttessi odais; a daro siiqido gishshau, i nagarai daroi atto geetettiis; shin guutta nagaraa atto giido urai guuttaa siiqees” yaagiis.

Efisoona 4:32

Issoi issuwaayyo kehitenne qarettite; qassi Xoossai Kiristtoosa baggaara intteyyo atto giidoogaadan, inttekka issoi issuwaayyo atto giite.

Yaasu Maxaafaa 7:19

Yaatin, Yaasu Akkaana, “Ta na7au, GODAA Israa7eela Xoossaa bonchcha; a galata. Ane neeni oottidobaa taassi qosennan oda” yaagiis.