Mazamure Maxaafaa 31:15 - Wolaytta Bible

¹⁵ Ta de7oi ne kushiyaana. Tana yedettiya ta morkketu kushiyaappe tana neeni ashsha.

Mazamure Maxaafaa 31:15 Iomraidhean Croise

Sameela Maxaafaa Naa77anttuwaa 7:12

Ne baree wurin haiqqada, ne maizza aawatun gaittiyo wode, ne gulbbataappe yelettida na7aa taani denttana; denttada a kawotettaa minttana.

Hanidabaa Odiya Naa77antto Maxaafaa 14:10

Gakkin Asikka aara olettanau kiyiis; kiyidi ba olanchchata Mareesha matan de7iya Xafaata Wombban salppissiis.

Iyyooba Maxaafaa 24:1

“Ubbaa Danddayiya Xoossai pirddiyo wodiyaa aissi keerennee? A eriyaageeti he wodiyaa aissi be7okkonaa?

Mazamure Maxaafaa 116:15

Geeshshatu haiqoi GODAA sinttan keehi daroppe bonchchettidaagaa.

Mazamure Maxaafaa 140:7

Abeet Ubbaa Haariya GODAU, tana ashshiya minuwau, olaa gallassi ta huuphiyaa gonddalladasa.

Mazamure Maxaafaa 142:6

Taani keehippe metootiyo gishshau, ta waasuwaa ezgga. Tana yedettiyaageeti taayyo keehippe wolqqaamido gishshau, tana etappe ashsha.

Mazamure Maxaafaa 143:12

Aggenna ne siiquwan ta morkketa wora; ta baarigaarata ubbaa xaissa; aissi giikko, taani ne ashkkaraa.

Mazamure Maxaafaa 143:3

Tana ta morkkee yedettidi, biittaara gatti kinchcherettiis; beni haiqqida asatudan tana xuman wottiis.

Mazamure Maxaafaa 143:9

Abeet GODAU, taani neekko baqatido gishshau, tana ta morkketuppe ashsha.

Mazamure Maxaafaa 17:13

Abeet GODAU, dendda. Ta morkketuura eqettada xoona; ne bisuwan iitatuppe tana ashsha ekka.

Mazamure Maxaafaa 25:2

Abeet ta Xoossau, taani nenan ammanettais; tana yeellayoppa; ta morkketu haittaa kessoppa.

Kessaabaa 40:37

SHin he shaarai denddana xayikko, i denddiyo gallassai gakkanaassi etikka qaaxxokkona.

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Ermmaasa 31:18

“Efireema zareti azzanidi, hagaadan yaagidi odiyoogaa tumuppe taani siyaas; 'Neeni nuna xurqqayettibeenna mirgguwaadan wadhdhadasa; nuunikka keedida. Neeni GODAA nu Xoossaa gidiyo gishshau, ane nuna zaara; nuuni neekko simmana.

Luqaasa 9:51

Yesuusi saluwaa biyo wodee matin, Yerusalaame baanau denddiis.

Yohaannisa 12:27

“Ha77i ta shemppoi daro un77ettiis; yaatin woigoo? Taani, ‘Ta Aawau, tana ha saateeppe ashsharkkii’ yaagoo? CHii, taani ha saatiyan yiidoogee hagaa gishshassa.

Yohaannisa 13:1

Paasikaa bonchchiyo gallassai gakkanaappe kasetidi, ha sa7aappe shaahettidi, Aawaakko biyo wodee gakkidoogaa Yesuusi eriis; ha sa7an de7iya baageeta ubba wode siiqiis; wurssettai gakkanaassi eta siiqiis.

Yohaannisa 17:1

Yesuusi hegaa haasayidoogaappe guyyiyan, pude saluwaa xeellidi, hagaadan yaagiis; “Aawau, wodee gakkiis; ne Na7ai nena bonchchana mala, neeni ne Na7aa bonchcha.

Yohaannisa 7:30

Hegaa gishshau, eti a oiqqanau koyidosona; shin a wodee birooni gakkibeenna gishshau, ooninne a bolli kushe wottibeenna.

Yohaannisa 7:6

Yesuusi eta, “Tau injjetiya wodee gakkibeenna; shin intteyyo ai wodeekka injjetees.

Yesuusi Kiittidoogeetu Oosuwaa 1:7

Oichchin Yesuusi eta, “Ta Aawai ba godatettan keerido aginaanne wodiyaa intte eranaassa gidenna.

Yesuusi Kiittidoogeetu Oosuwaa 23:11

Naa77antto qammi Godai PHauloosa lanqqiyan eqqidi, “PHauloosaa, neeni taassi Yerusalaamen markkattidoogaadan, Roomenkka markkattanau bessees; minna; aikko baawa” yaagiis.

Yesuusi Kiittidoogeetu Oosuwaa 27:24

‘PHauloosaa, yayyoppa; neeni Roome biittaa Kawuwaa Qeesaara sinttan eqqanau bessees; be7a, Xoossai nenaara biya asa ubbaa shemppuwaa ashshana’ yaagiis.

Naa77antto Ximootiyoosa 4:6

Tana gidikko, taani yarshshettiyo wodeenne qassi ha de7uwaa aggada biyo wodee gakkiis.

Naa77antto PHeexiroosa 1:14

Nu Godai Yesuus Kiristtoosi tau qoncciyan yootidoogaadan, taani ha haiqqiya asatettaa gam77ennan qaara olanaagaa erais.

Sameela Maxaafaa Koiruwaa 26:10

Qassikka i Abishaaya, “De7o GODAI ero! GODAI a shocanaagaa taani erais; ba gallassai gakkin i haiqqana, woikko olettanau biidi i xayana.