Mazamure Maxaafaa 31:13 - Wolaytta Bible

¹³ Taani darotu saasukettaa siyaas; dagamai ubbasaara de7ees. Eti ta bolli yaa7oosonanne tana woranau maqettoosona.

Mazamure Maxaafaa 31:13 Iomraidhean Croise

Doomettaabaa 40:23

SHin eessaa tigiyaageetu halaqai Yooseefa hassayibeenna; dogi aggiis.

Mazamure Maxaafaa 101:5

Geeman ba shooruwaa zigiriyaagaa taani sirphphi oottana. Otorettiyaanne ayyiya asa taani danddayikke.

Mazamure Maxaafaa 55:10

Iitati gallassinne qammi katamaa gimbbiyaa yuuyoosona; iitatettainne kobai katamaa giddon de7ees.

Mazamure Maxaafaa 57:4

Taani ta morkketu giddon, asaa dafidi miya gaammo malatu giddon de7ais. Eta achchai tooraanne wonddafiyaa zubbiyaa mala; eta inxxarssai qara biso mala.

Ermmaasa 11:19

Taani shuhau kaalettidi efiyo aada dorssa maraa mala gidaas. Eti ta bolli, “Ane nuuni mittaakka a aifiyaakka xaissoos. A sunttai mulekka hassayettenna mala, ane nuuni a paxa de7iyaageetu giddoppe xoqollidi xaissoos” yaagidi maqettidobaa taani erabeikke.

Ermmaasa 20:10

Taani daro saasukettaa siyais; “Yan han dagamai de7ees! Ane a mootite! Nuunikka a mootoos” yaagoosona. Taayyo mata laggeti ubbai ta kunddettaa naagidi, “Ooni erii, nuuni a oiqqana malanne nu haluwaa kessana mala, i cimettanau danddayees” yaagoosona.

Ermmaasa 6:25

SHooqaa kiyoppite; ogiyaarakka hemettoppite. Aissi giikko, morkkee bisuwaa oiqqiis; yaara haarakka daganttiyaabai de7ees.

Ermmaasa Zilaassaa 2:22

Gibiraa gallassau xeegiyoogaadan, neeni tana daganttiyaageeta ubbasaappe xeegadasa. GODAA hanqquwaa gallassan kessi ekki paxa attidai issoinne baawa. Taani ta kiyuwan ishalissada dichchido naata ubbaa morkkee wori xaissiis.

Maatiyoosa 26:59

Qeese halaqatinne yaa7aa asai ubbai Yesuusa woranau a bolli worddo markka demmanau koyidosona.

Maatiyoosa 27:1

Maallado guuraara qeese halaqati ubbatinne dere cimati Yesuusa woranau maqettidosona;

Luqaasa 23:5

SHin eti, “Hagee Galiilappe doommidi, harai atto hagaa gakkanaashinkka, Yihudaa biitta ubban tamaarissiiddi, asa ooshshees” yaagidi minttidi yootidosona.

Sameela Maxaafaa Koiruwaa 20:33

Oichchin Saa7ooli Yonaataana woranau tooraa a bolli xonggiis. Hegaa gishshau, Yonaataani ba aawai Daawita woranau qofaa qachchidoogaa eriis.

Sameela Maxaafaa Koiruwaa 24:9

Yaatidi Daawiti Saa7oola, “ 'Daawiti nena qohanau koyees' giya asatu qaalaa neeni aibissi siyai?