Mazamure Maxaafaa 30:2 - Wolaytta Bible

² Abeet GODAU ta Xoossau, neeni tana maaddanaadan, taani nena xeesaas; xeesin neeni tana pattadasa.

Mazamure Maxaafaa 30:2 Iomraidhean Croise

Doomettaabaa 20:17

GODAI Abrahaama keettaayee Saari gaasuwan Abimeleka keettaa asa ubbaa qanttaa mainissi wottido gishshau, Abrahaami Xoossaa woossin, Abimeleki, a keettaayyiyaanne a macca ashkkarati na7a yelana mala Xoossai eta pattiis.

Kawotu Maxaafaa Naa77anttuwaa 20:5

Yiidi, “Guyye simmada ba; baada ta asaa kaalettiya Hizqqiyaasayyo hagaadan yaagada oda; 'GODAI, ne maizza aawaa Daawita Xoossai hagaadan yaagees; “Taani ne woosaa siyaas; ne afuttaakka be7aas. Taani nena pattana; heezzu gallassaappe guyyiyan, neeni pude GODAA Beeta Maqidasiyaa baana.

Mazamure Maxaafaa 118:18

GODAI tana iita qaxxayuwaa qaxxayiis; shin haiquwaayyo aattidi immibeenna.

Mazamure Maxaafaa 145:1

Abeet ta Xoossau, ta kawuwau, taani nena gitayananne ne sunttaa meri merinau galatana.

Mazamure Maxaafaa 147:3

Wozanai meqqidoogeeta i pattees; eta mazunttaakka i qachchees.

Mazamure Maxaafaa 35:24

Abeet GODAU, ta Xoossau, ne xillotettan tana shatintta; ta morkketa ufaissoppa.

Mazamure Maxaafaa 41:12

Neeni tana ta suuretettaa gishshau kaafadasa; ne sinttan tana merinau wottadasa.

Mazamure Maxaafaa 51:8

Neeni tana ufaissaanne hashshu giyoobaa sissa; neeni tana mentterettidabaa gidikkokka, zaarada ufaissa.

Mazamure Maxaafaa 6:2

Abeet GODAU, taani labbannido gishshau, tana maararkkii. Abeet GODAU, ta meqettati tana sahuwan woriyo gishshau, tana patta.

Mazamure Maxaafaa 88:13

Abeet GODAU, taani neekko waassais; maalladuwan ta woosai ne sintti gakkees.

Kessaabaa 15:26

I eta hagaadan yaagiis; “GODAI intte Xoossai odiyoobaa minttidi siyikkonne a aifiyaa sinttan likkebaa oottikko, intte a azazuwaa ezggikkonne a awaajuwaa ubbaa naagikko, taani Gibxxetu bolli ehiido harggiyaappe issuwaanne intte bolli ehiikke; aissi giikko, taani inttena pattiya GODAATTENNE” yaagiis.