Mazamure Maxaafaa 30:12 - Wolaytta Bible

¹² Hegaa gishshau, taani nena sabbanaappe attin, co77u giikke. Abeet GODAU ta Xoossau, taani nena merinaukka galatana.

Mazamure Maxaafaa 30:12 Iomraidhean Croise

Doomettaabaa 49:6

Taani eta zoretan gelikke; taani eta shiiquwankka uttikke. Aissi giikko, eti bantta hanqquwan asa woridosonanne banttana ekka ekka gin, boorata gilddayidosona.

Asttiri Maxaafaa 8:16

Hegee Aihudatussi qassi gita ufaissanne ililssa, woppanne gibira wode gidiis.

Asttiri Maxaafaa 9:22

Aissi giikko, he gallassati Aihudati bantta morkketuppe shemppuwaa demmido gallassata; qassi he aginaikka eta azzanoinne yeehoi ufaissaunne gibiraa meettau laamettido agina. Hegaa gishshau, eti muussaaninne ushshan ufaittiiddi, issoi issuwaassinne qassi hiyyeesatussikka qumaa imotaa immiiddi bonchchana mala, etau odettiis.

Mazamure Maxaafaa 13:6

GODAU, taani neeyyo yexxana; aissi giikko, neeni taayyo kehadasa.

Mazamure Maxaafaa 145:2

Taani nena ubba gallassi sabbana; ne sunttaanne meri merinau galatana.

Mazamure Maxaafaa 16:9

Hegaa gishshau, ta wozanai ufaittees; ta shemppoikka ufaittees. Ta bollaikka hirggi bainnan de7ees.

Mazamure Maxaafaa 44:8

Nuuni ubba wode Xoossan ceeqettoos; ne sunttaassi merinau galataa immana.

Mazamure Maxaafaa 57:8

Tanooshsho, beegotta! Diittaunne maazinqqiyau, beegottite! Taanikka maallado guuraara beegottana.

Mazamure Maxaafaa 71:14

SHin tana gidikko, taani ubbaton nena ufaissan naagana. Taani gujja gujjada nena galatana.

Mazamure Maxaafaa 71:23

Taani diixxaidda, ufaissau ta qaalaa xoqqu oottada yexxana; neeni tana ashshido gishshau, taani nena sabbana.

Isiyaasa 61:3

Hegaadankka qassi, Xiyoonen kayyottiyaageetussi, bidinttaa gishshaa akiliiliyaa, azzanuwaa gishshaa ufaissaa zaitiyaa, daafura ayyaanaa gishshaa galataa qumaashshaa immana mala, tana kiittiis. Eti GODAI ba bonchchuwau tokkido xillo mitta geetettidi xeesettana.

Luqaasa 19:40

Yesuusi zaaridi, “Taani intteyyo odais; hageeti co77u giikko, shuchchaikka waassana” yaagiis.

Yesuusi Kiittidoogeetu Oosuwaa 4:20

Aissi giikko, nuuni be7idobaanne siyidobaa yootennan agganau danddayokko” yaagidi yaa7au odidosona.

Ajjuutaa 7:12

“Amin77i! Anjjoi, bonchchoi, aadhdhida eratettai, galatai, sabai, wolqqai, minotettai merinaappe merinaa gakkanaassi nu Xoossaayyo gido. Amin77i!” yaagidosona.