Mazamure Maxaafaa 3:3 - Wolaytta Bible

³ SHin abeet GODAU, neeni ta yuushuwan gonddalle. Tana bonchchissiyaageenne gitayiyaagee nenattennee.

Mazamure Maxaafaa 3:3 Iomraidhean Croise

Doomettaabaa 15:1

Hegaappe guyyiyan, GODAA qaalai ajjuutan Abraamakko yiidi, “Abraamaa, yayyoppa! Taani neeyyo gonddalle; ne woitoi keehi gita” yaagiis.

Doomettaabaa 40:13

Heezzu gallassatu giddon kawoi nena denttana; denttidi i nena kase ne sunttatettau zaarana; kase neeni eessaa tigiyo wode oottidoogaadan, neeni kawuwaa wanccaa a kushiyan wottana.

Kawotu Maxaafaa Naa77anttuwaa 18:30

I inttena, “GODAI tuma nuna ashshana; ha katamaikka Asoore kawuwaa kushiyan gelenna” yaagidi inttena GODAN ammanttoppo' yaagees.

Kawotu Maxaafaa Naa77anttuwaa 18:32

Hegaappe guyyiyan, taani yaada, inttena intte biittaa milatiya biitti ekkada efaana. He biittai kattinne woine eessi, oittinne woine ataakilttee kumido biitta; wogarainne mattaa eessainne kumido biitta. Intte taayyo azazettikko, paxa de7ana; haiqqekketa' yaagees. “Hizqqiyaasi inttena, 'GODAI nuna ashshana' yaagidi cimmiyoogaa siyoppite.

Kawotu Maxaafaa Naa77anttuwaa 25:27

Ewiili-Marodaaki kawotido laitti Yihudaa Kawuwaa Yo7aakiina qashuwaappe birshshidi maariis. Hegee hanidoogee Yo7aakiini omoodetti qashettidi biido hasttamanne laappuntta laitti, tammanne naa77antta aginan, laatamanne laappuntta gallassaana.

Mazamure Maxaafaa 110:7

Kawoi ogiyaa lanqqen de7iya haattaa pulttuwaappe uyidi, i ba huuphiyaa xoqqu oottana.

Mazamure Maxaafaa 119:114

Neeni taayyo qosetta attiyo sohonne ta gonddalliyaa; taani ne qaalan ufaissaa oottais.

Mazamure Maxaafaa 18:2

GODAI tau wogga zaallaa; taani olaappe naagettiyo miixaa; i tana ashshiyaagaa. Ta Xoossai taani akko baqatiyo ta wogga zaallaa. I ta gonddalliyaa. I tana ashshiya wolqqaamaa; i taani qosetta attiyo soho.

Mazamure Maxaafaa 27:6

He wode taani tana dooddida ta morkketuppe gitatada, xoqqu xoqqu yaagana. Taani a dunkkaaniyan ufaittaidda yarshshuwaa yarshshana. Taani GODAAYYO diixxananne yexxana.

Mazamure Maxaafaa 28:7

GODAI taayyo wolqqanne gonddalle; ta wozanai an ammanettees; hegan taani maadettaas. Hegaa gishshau, ta wozanai an ufaittees; taani yettan a sabbana.

Mazamure Maxaafaa 4:3

SHin GODAI Xoossaa asata baayyo dummayi wottidoogaa intte erite. Taani GODAA xeesiyo wode, i taayyo siyees.

Mazamure Maxaafaa 62:7

Ta atotettainne ta bonchchoi Xoossaana; i ta mino zaallaanne ta qatuwaa.

Mazamure Maxaafaa 84:11

GODAI Xoossai nuussi gonddallenne nuna naagiyaagaa; i nuussi bonchchuwaanne kehatettaa immees. Suuretettan hemettiyaageeta i lo77obaa ubbaa diggenna.

Isiyaasa 45:25

SHin Israa7eela zerettai ubbai GODAN, xoonuwaanne bonchchuwaa demmana.

Isiyaasa 60:19

“Hegaappe guyyiyan, gallassi neeyyo awaa poo7uwaa koshshenna; qammikka aginaa poo7uwaa koshshenna. Aissi giikko, GODAI neeyyo merinaa poo7o gidana; ne Xoossai neeyyo bonchcho gidana.

Luqaasa 2:32

He ashettai Israa7eela gidenna asau nebaa bessiya poo7o mala; qassi ne asaa Israa7eelassi bonchcho” yaagiis.

Zaarettido Wogaa 33:29

Inttenoo Israa7eela asau! Intte aiba anjjettidetii! GODAI ashshido intte mali oonee? I intteyyo gonddallenne inttena maaddiyaagaa; an intte xooniyo bisuwaa. Intte morkketi intte sinttan gufannana; inttekka eta qatuwaa laalana” yaagiis.

Ajjuutaa 21:11

He katamiyaa Xoossaa bonchchuwan poo7ausu. He katamee poo7oi yasphphiidiyaa giyo al77o shuchchaa mala; birilledan phoolausu.

Ajjuutaa 21:23

Katameeyyo poo7iya awi woi agini koshshenna. Aissi giikko, Xoossaa bonchchoi he katamen poo7ees; Dorssaikka he katameeyyo xomppe.