Mazamure Maxaafaa 28:7 - Wolaytta Bible

⁷ GODAI taayyo wolqqanne gonddalle; ta wozanai an ammanettees; hegan taani maadettaas. Hegaa gishshau, ta wozanai an ufaittees; taani yettan a sabbana.

Mazamure Maxaafaa 28:7 Iomraidhean Croise

Doomettaabaa 15:1

Hegaappe guyyiyan, GODAA qaalai ajjuutan Abraamakko yiidi, “Abraamaa, yayyoppa! Taani neeyyo gonddalle; ne woitoi keehi gita” yaagiis.

Mazamure Maxaafaa 13:5

SHin aggenna ne siiquwan taani ammanettais; neeni tana ashshiyo gishshau, taani ufaittais.

Mazamure Maxaafaa 13:6

GODAU, taani neeyyo yexxana; aissi giikko, neeni taayyo kehadasa.

Mazamure Maxaafaa 19:14

Abeet GODAU, ta wogga zaallau, tana wozidaagoo, ta doonaappe kiyiya qaalainne ta wozanaa qofai nena ufaissiyaabaa gido.

Mazamure Maxaafaa 21:1

Abeet GODAU, kawoi ne minotettan ufaittees; neeni immido xoonuwan i aiba ufaittii!

Mazamure Maxaafaa 22:4

Kase nu aawati nenan ammanettidosona; nenan ammanettin, neeni eta ashshadasa.

Mazamure Maxaafaa 28:8

GODAI ba asaayyo wolqqa; i ba dooridi tiyido kawuwaa ashshiya miixaa.

Mazamure Maxaafaa 3:3

SHin abeet GODAU, neeni ta yuushuwan gonddalle. Tana bonchchissiyaageenne gitayiyaagee nenattennee.

Mazamure Maxaafaa 3:4

Taani ta qaalaa xoqqissada GODAAKKO waassais. Waassin ba geeshsha deriyaappe taassi i allees.

Mazamure Maxaafaa 33:21

Nuuni a geeshsha sunttan ammanettiyo gishshau, nu wozanai an ufaittees.

Mazamure Maxaafaa 37:39

Xillotu atotettai GODAAPPE yees; metuwaa wode i etayyo naagetti attiyo soho.

Mazamure Maxaafaa 40:3

I ta doonan ooratta yettaa wottiis; he yettainne, “Nu Xoossai galatetto” yaagiyaagaa. Daroti be7idi, yayyananne GODAN ammanettana.

Mazamure Maxaafaa 43:2

Xoossai, taani naagetta attiyo miixai nena. Neeni tana aibissi aggai? Taani aissi ta morkkiyan naaqettada azzanaidda hemettoo?

Mazamure Maxaafaa 46:1

Xoossai nuuni naagetti attiyo sohonne nuuyyo wolqqa. Nuna metoi gakkiyo wode, maaddanau i ubbaton matan de7ees.

Mazamure Maxaafaa 46:2

Hegaa gishshau, biittai qaaxxiyaakkokka, woi dereti abban kunddiyaakkokka, nuuni yayyokko.

Mazamure Maxaafaa 69:30

Taani Xoossaa sunttaa yettan galatana; galataa imuwan a gitayana.

Mazamure Maxaafaa 84:11

GODAI Xoossai nuussi gonddallenne nuna naagiyaagaa; i nuussi bonchchuwaanne kehatettaa immees. Suuretettan hemettiyaageeta i lo77obaa ubbaa diggenna.

Mazamure Maxaafaa 91:4

I ba baalletun nena kammana; a qefetu garssi neeni baqatada qosetta attana. I ammanettiyaagaa; a tumatettai neeyyo gonddalle.

Isiyaasa 12:2

“Be7ite, Xoossai ta atotettaa; taani an ammanettada, yayyikke. Aissi giikko, GODAI Xoossai taayyo wolqqanne yetta. I ta atotettaa gidiis” yaagana.

Isiyaasa 45:24

“Eti tabaa haasayiiddi, 'Xillotettainne minotettai GODAA xalaalan de7ees' yaagana” yaagees. A ixxiyaageeti ubbai akko yaana; yiidi yeellatana.

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Efisoona 6:10

Wurssettan, Godaaninne a gita wolqqan minnite.

Ajjuutaa 15:3

Eti Xoossaa ashkkaraa Muuse mazamuriyaanne Dorssaa mazamuriyaa hagaadan yexxidosona. “Godau, Ubbaappe Wolqqaama Xoossau, ne oosoi gitanne garamissiyaagaa. Asa zare ubbaa Kawuwau, ne ogee xillonne tuma.

Ajjuutaa 5:9

Eti, “Xaatta woraqataa ekkanaunne maatafaa peerada dooyanau neeyyo bessees. Aissi giikko, neeni shuhettadasa. Neeni qommo ubbaappe, dumma dumma biitta qaala ubbaappe, yara ubbaappenne zare ubbaappe ne suuttan Xoossaayyo asaa wozadasa.