Mazamure Maxaafaa 28:5 - Wolaytta Bible

⁵ Eti GODAA oosuwaanne a kushee medhdhidobaa wudennan ixxido gishshau, GODAI eta qolana; zaaridi eta mulekka keexxenna.

Mazamure Maxaafaa 28:5 Iomraidhean Croise

Sameela Maxaafaa Naa77anttuwaa 7:13

Ta sunttaayyo keettaa keexxanai a; taani a kawotaa araataa merinau mintta essana.

Sameela Maxaafaa Naa77anttuwaa 7:27

“Abeet Ubbaappe Wolqqaama GODAU, Israa7eela Xoossau, neeni hagaa, 'Taani ne zareti de7i be7anaadan oottana' yaagada taassi ne ashkkaraassi qonccadasa; hegaa gishshau, taani ne ashkkarai nena ha woosaa woossanau xalaas.

Kawotu Maxaafaa Koiruwaa 11:38

Taani nena azaziyoogaa neeni oottikko, ta ogiyan hemettikkonne ta ashkkarai Daawiti naagidoogaadan ta wogatanne ta azazota naagada ta sinttan suurebaa hanikko, taani nenaara gidana; Daawitassi oottidoogaadankka ne zareti de7i be7anaadan oottana; Israa7eelakka taani neeyyo immana.

Mazamure Maxaafaa 10:5

Ubbabai au mule wodekka kumees; i otoruwaa meexxees. Ne higgee ayyo gelenna; ba morkketu bollan i qilliiccees.

Mazamure Maxaafaa 104:24

Abeet GODAU, ne oosoi ai keena daroo! Ne aadhdhida eratettan neeni eta ubbaa medhdhadasa; sa7ai neeni medhdhidoban kumiis.

Mazamure Maxaafaa 8:3

Neeni ne biradhdhetun medhdhido ne salota, sohuwan sohuwan neeni wottido aginaanne xoolintteta taani be7iyo wode,

Isiyaasa 22:11

Kase gal77a dalbbanttan de7iya haattaa zaaridi, a minjjiyoosaa naa77u gimbbetuppe gidduwan giigissideta. SHin intte hegaa medhdhidaagee Xoossaa gidiyoogaa akeekibeekketa; woikko daro wodiyaappe kase hegaa halchchidaagaa yainnibeekketa.

Isiyaasa 40:26

Intte aifiyaa xoqqu oottidi, saluwaa xeellite; he xoolintteta medhdhidai oonee? I eta olanchchaadan kaalettees; eta qoodaakka erees. I eta ubbaakka eta sunttan sunttan xeesees. A anggaa gitatettaappenne a wolqqaa minotettaappe denddidaagan, etappe issoinne xayenna.

Isiyaasa 45:12

Taani sa7aa oottaas; asaakka a bolli medhdhaas. Salota taani ta kushiyan tolaas; etan de7iya meretata ubbaakka azazaas.

Isiyaasa 45:18

Salota medhdhida GODAI, biittaakka giigissidi oottidaagee, qassi asi de7anaadaanappe attin, biittaa coo medhdhibeenna Xoossai hagaadan yaagees; “Taani GODAA; taappe hari baawa;

Isiyaasa 45:8

“Inttenoo salotoo, bollappe duge xillotettaa tigite; shaaratikka a bukkona. Biittai dooyetto; dooyettin atotettaikka pude mokko. Xillotettaikka aara issippe dicco. Taani GODAI hagaa medhdhaas.

Isiyaasa 5:12

Eta imatuwan maazinqqee, diittai, karaabee, cachcha zayeenne woiniyaa eessai de7ees; shin eti GODAA oosuwaa wudokkona; i ba kushiyan oottidobaa bonchchokkona.

Ermmaasa 31:4

Geeshsha Israa7eela asau, taani inttena zaarettada keexxana; inttekka keexettana. Zaarettidikka karaabiyaa oikkidi, ufaittiyaageetuura yexxananne durana.

Hoose7a 14:9

Aadhdhida erai de7iyo ooninne hagaa akeeko; wozani de7iyo ooninne hagaa ero. GODAA ogee suure; xilloti he ogiyaara hemettoosona. SHin nagaranchchati an xubettoosona.

Qoodaabaa 23:23

Yaaqooba zariyaa gakkana biti baawa; Israa7eela asaa qohana murunnoikka baawa. Asai ha77i, 'Yaaqoobassinne Israa7eelassi Xoossai oottidobaa be7ite' yaagana.

Yohaannisa 12:37

I hegaa keena wolqqaama malaataa eta sinttan oottikkokka, hananabaa yootiya Isiyaasi, “Godau, nu markkatettaa ooni ammanidee? Godai ba wolqqaa oona bessidee?” giidoogee tuma gidana mala, eti a ammanibookkona.

Roome 1:20

Beettenna a hanotai hegeekka a merinaa wolqqainne a Xoossatettai issippe Xoossai ha sa7aa medhdhoosappe doommidi, etau qonccidi beettiis; eti hegaa Xoossai medhdhidobaappe be7anau danddayiyo gishshau, etau gaasoyiyoobi baawa.

Roome 1:28

Eti Xoossaa eranau dosennan ixxidoogaa keenaa Xoossai eti bessennabaa oottana mala, etau pattenna qofaa immiis.