Mazamure Maxaafaa 27:11 - Wolaytta Bible

¹¹ Abeet GODAU, ne ogiyaa tana tamaarissa; ta morkketu gishshau, tana suure ogiyaa kaaletta.

Mazamure Maxaafaa 27:11 Iomraidhean Croise

Mazamure Maxaafaa 119:10

Taani ta polo wozanaappe nena koyais; ne azazotuppe wora hemettennaadan tana naaga.

Mazamure Maxaafaa 139:24

Ane tanan iitabai de7ikko xeella; xeellada, merinaa ogiyan tana kaaletta.

Mazamure Maxaafaa 25:12

GODAASSI yayyiya asi oonee? I kaallanau bessiyo ogiyaa GODAI a tamaarissana.

Mazamure Maxaafaa 25:9

Ashkketa suuretettan kaalettees; ashkketa ba ogiyaa tamaarissees.

Mazamure Maxaafaa 26:12

Ta tohoi lo77o sohuwan eqqiis; taani kunttida yaa7an GODAA galatana.

Mazamure Maxaafaa 5:8

Abeet GODAU, ta morkketu gishshaassi gaidda, tana ne xillotettan kaaletta; ne ogiyaa ta sinttan sittissa.

Mazamure Maxaafaa 5:9

Eta doonaappe kiyiyaabi ammanttenna. Eta wozanankka genee kumiis; eta doonai dooyettida duufo mala; eti bantta inxxarssan cimmoosona.

Mazamure Maxaafaa 54:5

Abeet Xoossau, ta morkketussi eta iitatettaa zaara. Neeni ammanettiyaagaa gidiyoogaadan eta xaissa.

Mazamure Maxaafaa 64:6

Eti iitabaa maqettiiddi, “Nuuni lo77o maqqo maqettida” yaagoosona. Hegeenne, asassi wozanainne kahai ciimma gidiyoogaa bessees.

Mazamure Maxaafaa 86:11

Abeet GODAU, taani ne tuman hemettana mala, tana ne ogiyaa tamaarissa. Taani ne sunttaayyo yayyana mala, taayyo issi wozanaa imma.

Leemiso Maxaafaa 15:19

Azalla uraassi metoi a oge ubban aguntta dirssa mala; shin suure uraa ogee badaasa.

Leemiso Maxaafaa 8:9

Akeeki de7iyo urau ta haasayai likke; erai de7iyoogeetau ta haasayai qoncce.

Isiyaasa 35:8

Yan aaho ogee de7ana; ikka Geeshshatettaa Ogiyaa geetettana. Geeshsha gidennaageeti he ogiyaara kanttokkona. SHin i geeshshatussa gidana; iita eeyyati an simerettokkona.

Ermmaasa 20:10

Taani daro saasukettaa siyais; “Yan han dagamai de7ees! Ane a mootite! Nuunikka a mootoos” yaagoosona. Taayyo mata laggeti ubbai ta kunddettaa naagidi, “Ooni erii, nuuni a oiqqana malanne nu haluwaa kessana mala, i cimettanau danddayees” yaagoosona.

Luqaasa 20:20

Hegaassi injjetiya wodiyaa naagidi, Yesuusa haasayissiiddi, a doonaappe balabaa demmidi, a oiqqinne deriyaa haariyaagaa wolqqaassinne a alaafetettaassi aattidi immana mala, xillo milatiiddi xillo gidenna kafota akko yeddidosona.