Mazamure Maxaafaa 25:10 - Wolaytta Bible

¹⁰ GODAA maachchaanne a awaajjuwaa naagiyaageetayyo a ogee ubbai tumatettanne aggenna siiqo.

Mazamure Maxaafaa 25:10 Iomraidhean Croise

Doomettaabaa 17:1

Abraama laittai uddufun tammanne uddufunaa gidiyo wode, GODAI ayyo qonccidi a, “Taani Ubbaa Danddayiya Xoossaa; neeni ta sinttan hemetta; suure gida.

Doomettaabaa 24:27

hagaadan yaagiis; “Ta godaayyo kehiyoogaanne ammanettiyoogaa aggibeenna GODAI, ta godaa Abrahaama Xoossai galatetto! Taani yiishin, GODAI tana ta godaa dabbotu soo kaalettiis” yaagiis.

Doomettaabaa 5:24

i Xoossaara hemettiiddi xayi bayiis; aissi giikko, Xoossai a ekki efiis.

Sameela Maxaafaa Naa77anttuwaa 15:20

Neeni sa7a zino yaadasa; taani ta huuphessi biyoosaa erennan de7aidda, nena hachchi waatada tanaara yuushshoo? Guyye simma; ne dere biittaa asatakka nenaara efa. GODAI neeyyo kehonne ammanetto!” yaagiis.

Mazamure Maxaafaa 138:7

Taani meto giddoora hemettikkokka, neeni tana saro ashshaasa. Ta morkketu hanqquwaa bolli ne kushiyaa miccaasa; ne ushachchan tana ashshaasa.

Mazamure Maxaafaa 33:4

GODAA qaalai suure; i oottiyo ooso ubbai ammanettiyaagaa.

Mazamure Maxaafaa 40:11

Abeet GODAU, ne maarotettaa taappe haassoppa. Aggenna ne siiqoinne ne tumatettai tana ubba wode naago.

Mazamure Maxaafaa 50:23

Taayyo galataa immiya asi tana bonchchees. Ba ogiyaa sittissiya asa taani Xoossaa atotettaa bessana” yaagees.

Mazamure Maxaafaa 57:3

Xoossai saluwaappe kiittidi, tana ashshana; tana yedhdhiyaageeta kaushshana; Xoossai aggenna ba siiquwaanne ba tumatettaa taayyo kiittana.

Mazamure Maxaafaa 85:10

Aggenna siiqoinne tumatettai issippe gaittana. Xillotettainne sarotettai issippe yerettana.

Mazamure Maxaafaa 89:14

Xillotettainne suure pirddai ne kawotaa araataassi baaso. Aggenna siiqoinne tumatettai nena ajaboosona.

Mazamure Maxaafaa 91:14

Xoossai hagaadan yaagees; “I tana siiqido gishshau, taani a ashshana. I ta sunttaa erido gishshau, taani a naagana.

Mazamure Maxaafaa 98:3

I Israa7eela so asaa siiqiyoogaanne etau ammanettiyoogaa hassayiis. Sa7aa gaxaa gakkanaassi de7iya asai ubbai nu Xoossaa xoonuwaa be7iis.

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 43:2

Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Hoose7a 14:9

Aadhdhida erai de7iyo ooninne hagaa akeeko; wozani de7iyo ooninne hagaa ero. GODAA ogee suure; xilloti he ogiyaara hemettoosona. SHin nagaranchchati an xubettoosona.

Sofonaasa 2:3

Inttenoo, biittan de7iya ashkketoonne a azazuwaa oottiya ubbatoo, GODAA koyite; xillotettaa koyite; qassi ashkketettaakka koyite. Yaatikko, ooni erii, GODAA hanqquwaa gallassi intte qosettidi attanaakkonne.

Yohaannisa 1:14

Qaalai asa gididi, nu giddon de7iis. Nuuni a bonchchuwaa aaro kehatettainne tumatettai kumidoogaa be7ida. Aawaayyo issi Na7aa xalaala gidida i ekkido bonchchoi hagaa.

Yohaannisa 1:17

Aissi giikko, Xoossai higgiyaa Muuse baggaara immiis; shin aaro kehatettainne tumatettai Yesuus Kiristtoosa baggaara yiis.

Roome 2:13

Aissi giikko, Xoossaa sinttan higgiyaa naagiyaageeti xilloosonappe attin, higgiyaa siyiyaageeti xillokkona.

Roome 8:28

Xoossai bana siiqiyaageetuyyo, ba qoppidoogaa oottanau xeesidoogeetuyyo, yoho ubbaa lo77obau oottiyoogaa nuuni eroos.

Ibraawe 12:14

Asa ubbaara saro de7anau minnite; qassi geeshsha de7uwaa de7ite. Aissi giikko, hegee bainnan ooninne Godaa be7anau danddayenna.

Yaaqooba 5:11

Be7ite, danddayidi genccidaageeta nuuni anjjettidaageeta geettees. Iyyooba genccaa intte siyideta; qassi Godai ayyo wurssettan immidoogaakka be7ideta. Aissi giikko, Godai maarotainne qaretai kumidoogaa.