Mazamure Maxaafaa 23:2 - Wolaytta Bible

² Tana aaca qooruwan allaxxissees; woppu giida haattaakko laaggees.

Mazamure Maxaafaa 23:2 Iomraidhean Croise

Iyyooba Maxaafaa 34:29

Xoossai co77u giikko, a pirddanai oonee? I ba som77uwaa wora zaarikko, asa maaddiyaabi baawa.

Mazamure Maxaafaa 46:4

Issi shaafai de7ees. He shaafai goggidi, Xoossaa katamaa, Ubbaappe Xoqqiya Xoossai de7iyo geeshsha sohuwaa ufaissees.

Kessaabaa 15:27

Hegaappe eti Elaama biitti yiidosona; yan tammanne naa77u haatta pulttotinne laappun tammu zambba mittati de7oosona. Eti yan haattaa doonan uttidosona.

Isiyaasa 30:23

He wode intte biittan zerido kattaassi i iraa bukissana; biittaappe mokkiya kattaikka murutanne daro gidana. He gallassi intte miizzai aaho dembban hemettana.

Isiyaasa 8:6

“Ha asai loddaara goggiya Salihooma haattata ixxidi, Raxiinanne Ramaaliyaa na7aa ufaittidi ekkidosona.

Ajjuutaa 21:6

Qassikka tana hagaadan yaagiis; “Polettiis. Taani Alifaanne Omeegaa; Doomettaanne Poluwaa. Saamettida oonanne taani de7uwaa haattaa pulttuwaappe coo ushshana.

Ajjuutaa 22:1

Hegaappe guyyiyan, kiitanchchai tana Xoossaa kawotaa araataappenne Dorssaa kawotaa araataappe goggiya birilledan phooliya de7o haattaa shaafaa bessiis.

Ajjuutaa 22:17

Geeshsha Ayyaanainne bullashettiyaara, “Haaya” yaagoosona. Qassi hagaa siyiya ooninne, “Haaya” yaago. Saamettida asi ooninne haa yo. De7o haattaa koyiya asi ooninne coo ekko.

Ajjuutaa 7:17

Aissi giikko, kawotaa araataayyo gidduwan uttida Dorssai eta heemmana. De7o haattaa pulttuwaakkokka eta kaalettana. Xoossaikka eta aifiyaappe afutta ubbaa quccirggana” yaagiis.