Mazamure Maxaafaa 22:7 - Wolaytta Bible

⁷ Tana be7iya ubbati qiroosona; eti tana qoosoosonanne bantta huuphiyaa qaattoosona.

Mazamure Maxaafaa 22:7 Iomraidhean Croise

Iyyooba Maxaafaa 12:4

Taani Xoossaa woossin, i siyido asa gidikkonne, ta laggetuyyo miicciyoobaa kiyaas; taani xillonne boree bainna asa gidikkokka, qilliicciyoobaa kiyaas.

Iyyooba Maxaafaa 16:10

Asati ta yuushuwan shiiqidosona; shiiqidi ta bolli qilliicciiddi, ta qinxxalliyaa baqqidosona.

Iyyooba Maxaafaa 16:4

Intte ta sohuwan de7in, taani intte sohuwan de7idabaa gidiyaakko, taanikka ta huuphiyaa qaattaidda, ha77i intte giyoobaa ubbaa intte bolli loittada haasayana shin!

Mazamure Maxaafaa 109:25

Tana mootiyaageetuyyo qilliicciyoobaa gidaas; eti tana be7idi, bantta huuphiyaa qaattoosona.

Mazamure Maxaafaa 31:18

Otoruwaaninne kariyan xillotu bolli xalidi haasayiyo gishshau, eta worddotiya doonaa co77u ootta.

Mazamure Maxaafaa 44:14

Neeni nuna kawotettata giddon haise kessadasa; nuna eti bantta huuphiyaa qaatti qaatti qiriyoobaa oottadasa.

Isiyaasa 49:7

Asai karidoogau, ixxidoogaunne deriyaa haariyaageetu ashkkarau, GODAI, Israa7eela Woziyaagee, Israa7eela Geeshshai hagaadan yaagees; “Ammanettiya GODAA gishshaunne nena doorida Israa7eela Geeshshaa gishshau kawoti be7idi, denddi eqqana. Deriyaa haariyaageetikka be7idi goinnana” yaagees.

Isiyaasa 53:3

I asan karettiisinne ixettiis; i harggeppenne metoppe shaahetti erenna azzaniya asa gidiis. I asi a be7anaappe giidi, ba som77uwaa wora zaariyo asadan karettiis; nuunikka a bonchchibookko.

Isiyaasa 57:4

Intte o bolli qilliicceetii? Intte oona qooseetii? Intte inxxarssaakka o bolli kesseetii? Intte makkalanchchatu naatanne worddanchchatu naata gidekketii?

Maatiyoosa 27:29

Qassi agunttaa akiliiliyaa giigissidi, a huuphiyan wottidosona; a ushachcha kushiyan shombboqo gatimaa oittidi, a sinttan gulbbatidi, “Aihudatu kawuwau, saro de7ai!” yaagidi, a bolli qilliiccidosona.

Maatiyoosa 9:24

“Kare kiyite; guutta na7iyaa xiskkaasuppe attin, haiqqabeikku” yaagiis. Yaagin asai a bolli keehi miicciis.

Marqqoosa 15:20

A bolli qilliiccidoogaappe guyyiyan, zo7o afalaa appe qaari ekkidi, a afalaa a maizzidosona; maizzidi masqqaliyaa bolli misimaariyan xishidi, a kaqqanau ekki efiidosona.

Marqqoosa 15:29

Ogiyaara aadhdhiya asai Yesuusa karidi, ba huuphiyaa qaattiiddi cayiis; “A77a! Beeta Maqidasiyaa qolada heezzu gallassa giddon keexxiyaagoo, ne huuphiyaa ashsha;

Luqaasa 16:14

Miishsha dosiya Parisaaweti hegaa ubbaa siyidi, Yesuusa bolli qilliiccidosona.

Luqaasa 23:11

Heeroodisinne a wotaaddarati Yesuusa karidi, a bolli qilliiccidosona. Alleequwaara de7iya maayuwaa a maizzidi, PHilaaxoosakko zaaridi yeddidosona.