Mazamure Maxaafaa 22:15 - Wolaytta Bible

¹⁵ Ta qooree kon77adan melees; ta inxxarssai kookkiyaara ohettees. Neeni tana haiqqida asadan baanan yeggadasa.

Mazamure Maxaafaa 22:15 Iomraidhean Croise

Doomettaabaa 18:27

Hegaappe guyyiyan Abrahaami, “Taani biittanne bidintta gidaidda ta Godaara xalan haasayanau simmi doommaichchaas;

Doomettaabaa 3:19

Neeni biittau simmana gakkanaassi, daafuran ne som77oi cawattin oottido ne qumaa maana; aissi giikko, neeni biittaappe ekettadasa; neeni baana; neeni baanau simmana” yaagiis.

Sameela Maxaafaa Naa77anttuwaa 14:14

Nuuni ubbai haiqqana; biittan gukkida haattai simmennaagaadan, nuuni naa77antto simmokko. SHin Xoossai bohettida asi mulekka xayenna mala, ayyo ogiyaa giigisseesippe attin, i coo xayanaadan koyenna.

Iyyooba Maxaafaa 10:9

Neeni tana urqqaappe medhdhidoogaa hassaya. Yaatin, ha77i tana baanaadan liiqissanau hanai?

Iyyooba Maxaafaa 19:20

Ta meqettai ta gogaara ohettiis; haiquwaappe qiisasan taani attaas.

Iyyooba Maxaafaa 29:10

He kataman de7iya gita asatikka co77u giidosona; eta inxxarssaikka eta kookkiyaa baqqi oiqqiis.

Iyyooba Maxaafaa 30:16

“Ta shemppiyaa hitaasu; tuggaa gallassai tana cirppintti oiqqiis.

Iyyooba Maxaafaa 34:15

asho maayida ubbai issippe xayana; asi biittau duge simmana.

Iyyooba Maxaafaa 7:21

Ta balaappe aissi tana maarennan ixxai? Ta nagaraakka aissi atto geennan aggai? Simmi taani duufuwaa wodhdhiyo wodee gakkiis; neeni tana koyiyo wodekka, taani beettikke” yaagiis.

Mazamure Maxaafaa 104:29

Neeni ne som77uwaa genttiyo wode dagammoosona. Ne shemppuwaa neeni ekkiyo wode haiqqidi, bantta biittau simmoosona.

Mazamure Maxaafaa 30:9

“Taani haiqqiyoogaappe woikko duufuwan geliyoogaappe ai demmuutee? Baanau laamettida asi nena galatii? Neeni ammanettiyoogaa yootii?

Mazamure Maxaafaa 38:10

Ta wozana aifiyan diddiqees; ta wolqqai hitiis; ta aifiyaappe payyatettai kichchiis.

Mazamure Maxaafaa 69:21

Taani namisettido wode, taayyo cammiya qumaa aattidosona. Taani saamettido wode, taayyo caala woine eessaa immidosona.

Mazamure Maxaafaa 69:3

Maadossi waassaidda daafurais; ta qorjjantteekka meliis. Ta Xoossai allees gaada xeellishin, ta aifee galjjiis.

Leemiso Maxaafaa 17:22

Wozani ufaittiyoogee asassi lo77o xale; shin kayyottiyoogee asau wolqqaa xaissees.

Isiyaasa 53:12

Hegaa gishshau, gita asatu gidduwan taani au bonchcho sohuwaa shaakkada immana; qassi minotuura i omooduwaa shaakkana. Aissi giikko, i ba shemppuwaa haiquwau aattidi immiis; yaatidi mooranchchatuura paidettiis. Gidikkonne, i daro asaa nagaraa tookkiis; tookkidi mooranchchatuyyookka gaannatiis.

Ermmaasa Zilaassaa 4:4

Saamuwaa gaasuwan xammiya naatu inxxarssai kookkiyaara ohettiis; naati qumaa woossidosona; shin etau immiyaabi issoinne baawa.

Daaneela 12:2

Kase haiqqidi moogettida asaappe daroti denddana. Etappe baggati merinaa de7uwau, baggati qassi yeellaunne merinaa kaushshau denddana.

Maatiyoosa 27:50

Yesuusi naa77anttuwaa ba qaalaa xoqqu ootti waassidi, haiqqi bayiis.

Yohaannisa 19:28

Hegaappe guyyiyan, Yesuusi ubbabai ha77i polettidoogaa eridi, Xoossaa maxaafai giidoogee polettana mala, “Tana saammees” yaagiis.

Koiro Qoronttoosa 15:3

Aissi giikko, taani qassi ekkidoogaa ubbabaappe aadhdhidi koshshiyaagaa kasetada inttessi immaas. Hegee aibee giikko, Xoossaa maxaafai giyoogaadan, Kiristtoosi nu nagaraa gishshau haiqqiis.