Mazamure Maxaafaa 22:1 - Wolaytta Bible

¹ Ta Xoossau, ta Xoossau, tana aissi aggadii? Tana maadda gaada taani neeyyo watiwatiyo wode, aissi taappe haakkai?

Mazamure Maxaafaa 22:1 Iomraidhean Croise

Iyyooba Maxaafaa 3:24

Qumaa miyoogaa gishshaa oolais; ta oolee aggennan goggiya haattaa mala.

Mazamure Maxaafaa 10:1

Abeet GODAU, aissi haakkada eqqai? Metuwaa wodiyan aissi neeni geemmai?

Mazamure Maxaafaa 16:1

Abeet Xoossau, taani neekko baqatido gishshau, tana naaga.

Mazamure Maxaafaa 22:11

Metoi taakko matiyo gishshaunne tana maaddiyaabi bainna gishshau, hai neeni taappe haakkoppa.

Mazamure Maxaafaa 22:16

Iita asati cora kanatudan tana yuuyi aadhdhidi teqqoosona. Ta kushetanne ta tohota caddoosona.

Mazamure Maxaafaa 26:9

Tana nagaranchchatuura issippe pittoppa; woikko asa woriyaageetuura issippe xaissoppa.

Mazamure Maxaafaa 37:28

Aissi giikko, GODAI xillobaa dosees. Xoossaa asata i yeggenna; xilloti merinau naagettoosona. SHin iitatu zerettai xoqollettana.

Mazamure Maxaafaa 38:8

Taani hitaasinne nippi gaas; taani tuggatada oolais.

Mazamure Maxaafaa 71:11

Eti, “Xoossai a aggiis; yedettidi a oiqqoos. Aissi giikko, a ashshanai ooninne baawa” yaagoosona.

Isiyaasa 46:13

taani ta xillotettaa mataa ehais; ikka haaho gidenna. Ta atotettai gam77enna; taani ta atotettaa Xiyoonessi, ta bonchchuwaakka Israa7eelassi immana” yaagees.

Isiyaasa 59:11

Nuuni ubbaikka gaammuwaadan gudoos; haraphphetudankka azzanidi ooloos. Nuuni suure pirddaa koyida; shin demmibookko. Qassi atotettaakka koyida; shin i nuuppe haakkiis.

Wogaabaa 2:6

A menttidi a bolli zaitiyaa tigo; hegaa kattaa yarshsho oottidi shiishsho.

Maatiyoosa 27:46

Uddufun saate gidiyo heeran Yesuusi ba qaalaa xoqqu oottidi, “Elohee, Elohee, laamaa sabaqitaanii?” yaagiis. Hegaa giyoogee, “Ta Xoossau, ta Xoossau, tana aissi aggadii?” giyoogaa.

Marqqoosa 15:34

Uddufun saatiyan Yesuusi ba qaalaa xoqqu oottidi, “Elohee, Elohee, laamaa sabaqitaanii?” yaagiis. Hegaa giyoogee, “Ta Xoossau, ta Xoossau, tana aissi aggadii?” giyoogaa.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.

Luqaasa 24:44

I eta, “Taani inttenaara de7aidda, ‘Muuse higgiyan, hananabaa yootiyaageetu maxaafaaninne Daawita mazamuriyaa maxaafan tabai xaafettidaagee ubbai polettanau bessees’ yaagada, inttessi yootido yohoi hagaa” yaagiis.

Ibraawe 13:5

Miishsha siiqoppe inttena naagite; intteyyo de7iyaagee intteyyo gido. Aissi giikko, Xoossai ba huuphen, “Taani nena mulekka yeggikke woikko aggikke” yaagiis.

Ibraawe 5:7

Yesuusi sa7an de7iyo wode, bana haiquwaappe ashshanau danddayiya Xoossaa keehi yeekkidinne afuxxidi woossiisinne oichchiis; Xoossai a woosaa siyidoogee, i bana toochchidoogaassanne bau yayyidoogaassa.

Sameela Maxaafaa Koiruwaa 12:22

GODAI ba gita sunttaa gishshau ba asaa aggenna; aissi giikko, i inttena ba asa oottanau ufaittees.