Mazamure Maxaafaa 21:3 - Wolaytta Bible

³ Neeni lo77o anjjuwaara akko yaasa; geeshsha worqqa kallachchaa a huuphiyan wottaasa.

Mazamure Maxaafaa 21:3 Iomraidhean Croise

Sameela Maxaafaa Naa77anttuwaa 12:30

Eta kawuwaa kallachchaakka a huuphiyaappe ekkiis. He worqqa kallachchai hasttamanne ichchashu kilo giraame deexxees; a giddon inqquwaa giyo al77o shuchchai de7ees. He kallachchai Daawita huuphiyan goxettiis. Katamaappe keehi daro omooduwaa Daawiti omooddidi ehiis.

Sameela Maxaafaa Naa77anttuwaa 2:4

Yihudaa asati Kebroona katamaa yiidi, yan eti Daawita Yihudaa asaa bolli kawoyanau tiyidosona. Saa7oola moogidaageeti Gala7aaden de7iya Yaabeesha katamaa asata gididoogaa Daawiti siyido wode,

Sameela Maxaafaa Naa77anttuwaa 5:3

Hegaa gishshau, Israa7eela cimati ubbai Daawitakko Kebroona katamaa yiidosona; yin i etaara Kebroonan GODAA sinttan maachchaa maacettiis; Israa7eela bolli kawotanaadan Daawita eti tiyidosona.

Hanidabaa Odiya Koiro Maxaafaa 20:2

Hegaappe guyyiyan Daawiti yiidi, eta kawuwaa worqqa kallachchaa a huuphiyaappe ekkiis. Kallachchai mazzaniyo wode hasttamanne oiddu kilo giraame gidiis; a giddon inqquwaa giyo al77o shuchchai de7ees. He kallachchai ekettidi, Daawita huuphiyan goxettiis. Qassi Daawiti he katamaappe keehi daro omooduwaa ekkiis.

Hanidabaa Odiya Naa77antto Maxaafaa 6:41

Hegaa gishshau, abeet GODAU, Xoossau, dendda! Denddada ne wolqqau malaata gidida ne Taabootaara ne shemppiyo sohuwaa gela. Abeet GODAU, Xoossau, ne qeeseti atotettaa maayona; ne geeshsha asatikka ne kehatettan ufaittona.

Iyyooba Maxaafaa 41:11

Taani kushiyaa zaarana mala, taayyo koiro immidai oonee? Saloppe garssaara de7iyaabai ubbai tabaa.

Mazamure Maxaafaa 18:18

Ta waayiyaa gallassi eti ta bolli denddidosona; shin GODAI tana zemppissiyaagaa.

Mazamure Maxaafaa 20:5

Ne xoonuwaa gishshau, nuuni ufaissau hombbocana; nu Xoossaa sunttan nu banddiraa xoqqu oottana. Neeni woossidobaa ubbaa GODAI neessi immo.

Mazamure Maxaafaa 31:19

Neessi yayyiyaageetuyyo neeni minjjidonne neekko baqatiyaageetuyyo asaa sinttan neeni oottido ne kehatettai aiba daroo!

Mazamure Maxaafaa 59:10

Ta Xoossai aggenna ba siiquwan taakko yaana; ta Xoossai ta morkketa xooniyoogaa i tana bessana.

Roome 11:35

Woikko ba kushiyaa zaarana mala, au aibakko immidai de7ii?” yaagees.

Roome 2:4

Woikko Xoossaa kehatettaa, genccaa, danddayaanne duretettaa karaishsha? Xoossai nena nagaraappe zaaranau koyiyo gishshau, i keha gidiyoogaa neeni eraasa.

Efisoona 1:3

Ayyaanaa anjjo ubban Kiristtoosa baggaara saluwaa sohuwan nuna anjjida Xoossaa, nu Godaa Yesuus Kiristtoosa Aawaa, nuuni galatoos.

Ibraawe 2:9

SHin nuuni Yesuusa be7oos; Yesuusi Xoossaa aaro kehatettaa baggaara asa ubbau haiqqana mala, amarida wodiyaa kiitanchchatuppe garssa gidiis. Qassi haiqo waayiyaa i waayettido gishshau, poo7iya bonchchonne saba akiliiliyaa wottidaagaa ha77i nuuni be7oos.

Ajjuutaa 19:12

A aifee tama laco milatees; qassi i ba huuphiyan daro akiliiliyaa wottiis. A bolli xaafetti uttida sunttai de7ees; shin he sunttai aibakkonne appe attin, ooninne erenna.

Sameela Maxaafaa Koiruwaa 16:13

Yaagin Sameeli kaciyaa zaitiyaa ekkidi, a ishatu sinttan Daawita tiyiis. He gallassappe doommidi, GODAA Ayyaanai Daawita bollan wolqqappe wodhdhiis. Hegaappe guyyiyan, Sameeli denddidi, Raama katamaa biis.