Mazamure Maxaafaa 20:5 - Wolaytta Bible

⁵ Ne xoonuwaa gishshau, nuuni ufaissau hombbocana; nu Xoossaa sunttan nu banddiraa xoqqu oottana. Neeni woossidobaa ubbaa GODAI neessi immo.

Mazamure Maxaafaa 20:5 Iomraidhean Croise

Mazamure Maxaafaa 118:15

Olaa xoonidi simmiya asai xillotu dunkkaaniyan hombbociiddi, giyoobaa siyite. Eti, “GODAA ushachcha kushee wolqqaamabaa oottiis!

Mazamure Maxaafaa 13:5

SHin aggenna ne siiquwan taani ammanettais; neeni tana ashshiyo gishshau, taani ufaittais.

Mazamure Maxaafaa 19:4

Gidikkokka, eta haasayaa cenggurssai sa7a ubban laalettiis; eta qaalaikka sa7aa gaxaa gakkiis. Xoossai awai de7iyo sohuwaa saluwan giigissiis.

Mazamure Maxaafaa 21:1

Abeet GODAU, kawoi ne minotettan ufaittees; neeni immido xoonuwan i aiba ufaittii!

Mazamure Maxaafaa 21:3

Neeni lo77o anjjuwaara akko yaasa; geeshsha worqqa kallachchaa a huuphiyan wottaasa.

Mazamure Maxaafaa 35:9

He wode taani GODAN ufaittana; i ashshido gishshau, taani ufaissaa poocu gaana.

Mazamure Maxaafaa 60:4

Neeyyo yayyiyaageeti bantta morkkiyaa wonddafiyaappe attana mala, malaataa immadasa.

Kessaabaa 17:15

Muusee yarshshuwaa yarshshiyoosaa keexxidi, “GODAI ta Banddiraa” giidi sunttiis.

Isiyaasa 11:10

He gallassi Isseya zaree asaayyo malaata gididi eqqana; eqqin kawotetta ubbai a koyana; i de7iyo sohoikka bonchchettana.

Isiyaasa 25:9

He gallassi eti hagaadan yaagana; “Hagee tumu nu Xoossaa; nuuni i nuna ashshanaadan naagida; naagin i nuna ashshiis. Hagee GODAA; nuuni a naagida. Ane a atotettan hashshu goosinne ufaittoos” yaagana.

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Mikiyaasa 4:5

Asai ubbai ba xoossaa xoossaa sunttan hemettana; shin nuuni GODAA nu Xoossaa sunttan meri merinau hemettana.

Imbbaaqooma 3:18

hegee ubbai xayikkokka, taani GODAN ufaittana; tana ashshiya Xoossan taani ufaissaa poccu gaana.

Sameela Maxaafaa Koiruwaa 1:17

Yaagin Eeli iyyo zaaridi, “Sarotettan ba; neeni a woossidobaa Israa7eela Xoossai neeyyo immo” yaagiis.

Sameela Maxaafaa Koiruwaa 17:45

Yaagin Daawiti Pilisxxeemiyaa, “Neeni bisuwaa, bodaanne xinqqaa oiqqada ta bolli yaasa; shin taani Ubbaappe Wolqqaama GODAA sunttan, neeni naassido Israa7eela olanchchatu Xoossaa sunttan ne bolli yais.