Mazamure Maxaafaa 2:12 - Wolaytta Bible

¹² GODAI hanqqettin, ogiyan intte xayennaadan na7aa yerite; aissi giikko, hanqquwaa eesuwan i eexxi kiyana. Baqati an qosetti attiya ubbati anjjettidaageeta.

Mazamure Maxaafaa 2:12 Iomraidhean Croise

Doomettaabaa 41:40

Taani nena ta keettan sunttais; ta asai ubbai neeyyo azazettana; taani neeppe aadhdhanai ta kawotaa araataa xalaalaana gidana” yaagiis.

Kawotu Maxaafaa Koiruwaa 19:18

Ba7aalayyo gulbbatibeenna woikko bantta doonan Ba7aala eeqaa yeribeenna laappun sha7u asaa taani Israa7eelan taayyo ashshana” yaagiis.

Mazamure Maxaafaa 1:6

Aissi giikko, GODAI xillotu ogiyaa erees; shin iitatu ogee xayana.

Mazamure Maxaafaa 109:20

Hagee tana mootiyaageetussinne tana iitan zigiriyaagetussi GODAI immiyo woito gido!

Mazamure Maxaafaa 2:5

Qilliiccidi i ba hanqquwan eta seerees; ba wolqqaama hanqquwan eta yashissees.

Mazamure Maxaafaa 2:7

He kawoi, “Taani GODAA higgiyaa awaajjana; GODAI tana, 'Neeni ta na7aa; taani hachchi neeyyo aawa gidaas.

Mazamure Maxaafaa 31:20

Neeni eta ne sinttan geema sohuwan genttada, asaa maqquwaappe ashshaasa. Neeni eta ne dunkkaaniyan qosada, inxxarssaa boshaappekka ashshaasa.

Mazamure Maxaafaa 34:8

GODAI keha gidiyoogaa xeelli be7ite. Akko baqatiya asi anjjettidaagaa.

Mazamure Maxaafaa 34:9

Inttenoo, a geeshsha asatoo, GODAAYYO yayyite; aissi giikko, ayyo yayyiya ubbatuyyo aibinne paccenna.

Mazamure Maxaafaa 40:4

GODAA bau ammanettiyoobaa oottida asi, otoranchchatukkonne worddo xoossatussi goinniyaageetukko simmenna asi anjjettidaagaa.

Mazamure Maxaafaa 84:12

Abeet Ubbaappe Wolqqaama GODAU, nenan ammanettiyaageeti anjjettidaageeta.

Leemiso Maxaafaa 16:20

GODAA qaalaa loittidi ezggiya urau i oottiyoobai ubbai injjettana; GODAN ammanettiya uri anjjettidaagaa.

Isiyaasa 30:18

SHin GODAI intteyyo kehanau naagees; i intteyyo qarettiyoogaa bessanau denddees. Aissi giikko, GODAI xillo pirddiya Xoossaa; a naagiyaageeti ubbati anjjettidaageeta.

Ermmaasa 17:7

“GODAN ammanettiya asi, i ammanettiyoi GODAA gidiyo asi anjjettidaagaa.

Hoose7a 13:2

Ha77ikka nagaraa bolli nagaraa oottoosona; qassi banttau goinnanau, seerissidi misileta medhdhoosona. He misileti hiillan biraappe merettidaageeta; eti ubbaikka kushe hiillai medhdhidoogeeta. Etabaa asai haasayiiddi, “Haa yiite; etayyo yarshshuwaa yarshshite; ha maraa misiliyaakka yerite” yaagees.

Sofonaasa 2:2

Carkkoi punnidi efiyo suullaadan beennan de7iiddi, yashshiya GODAA hanqqoi intte bolli wodhdhennan de7ishin, GODAA hanqquwaa suuluwaa gallassaikka intte bollan gakkennan de7ishin, GODAAKKO simmiichchite.

Yohaannisa 14:6

Yesuusi zaaridi, “Ogee, tumainne de7oi tana; ta baggaarappe attin, ooninne ta Aawaakko baanau danddayenna.

Roome 10:11

Xoossaa maxaafai, “Aani ammaniya ooninne yeellatenna” yaagees.

Efisoona 1:12

Nuuni kasetidi, Kiristtoosa baggaara ekkana giidi ufaissan naagiyaageeti, Xoossaa bonchchuwaa galatoos.

Koiro PHeexiroosa 1:21

Intte ammanoinne intte ekkana giidi ufaissan naagi uttidobai Xoossan de7ana mala, Xoossai haiquwaappe a denttidi, ayyo bonchchuwaa immidaagan aani ammanetta.

Koiro PHeexiroosa 2:6

Aissi giikko, Xoossaa maxaafai, “Be7ite, taani Xiyoone giyo kataman keettaa godaa xaphuwaa minttiya, doorettida, al77o shuchchaa wottais; aani ammaniya ooninne yeellatenna” yaagees.

Sameela Maxaafaa Koiruwaa 10:1

He wode Sameeli tigiyoobaara zaitiyaa ekkidi, Saa7oola huuphiyan tigiis; tigidi Saa7oola yeridi, hagaadan yaagiis; “Ba asaa Israa7eela haarana mala GODAI nena tiyiis gidennee? Neeni a asaa kaalettada, eta yuushuwan de7iya morkketu kushiyaappe eta ashshana. A asaa neeni haarana mala, GODAI nena tiyidoogau malaatai hagaa.