Mazamure Maxaafaa 18:32 - Wolaytta Bible

³² Taayyo wolqqaa immiyaageenne ta ogiyaa saro oottiyaagee Xoossaattennee.

Mazamure Maxaafaa 18:32 Iomraidhean Croise

Sameela Maxaafaa Naa77anttuwaa 22:33

Taayyo wolqqaa immiyaageenne ta ogiyaa saro oottiyaagee Xoossaattennee.

Mazamure Maxaafaa 28:7

GODAI taayyo wolqqanne gonddalle; ta wozanai an ammanettees; hegan taani maadettaas. Hegaa gishshau, ta wozanai an ufaittees; taani yettan a sabbana.

Mazamure Maxaafaa 93:1

GODAI kawotiis! Bonchchuwaa maayiis; wolqqaa gixxiis. Sa7ai minnidi eqqiis; mulekka qaaxxenna.

Isiyaasa 44:8

Yayyoppite; qassi dagammoppite. Taani hagaa intteyyo beniisappe doommada yootabeikkinaa? Qassi awaajjabeikkinaa? Hegau taayyo intte markka. Taappe attin, hara Xoossi de7ii? Hara Zaalli baawa; taani oonanne erikke” yaagees.

Isiyaasa 45:5

“Taani GODAA; taappe hari baawa; taappe hara Xoossi de7enna. Awai mokkiyoosaappe biidi, wulliyoosaa gakkanaashin de7iya asai taappe hari bainnaagaa erana mala, taani nena gixissais. Gidikkonne, neeni tana erabaakka. Taani GODAA; taappe hari baawa.

Naa77antto Qoronttoosa 3:5

Nu danddayai Xoossaappe yiyoogaappe attin, ha oosuwaa nuuni nu huuphen oottanau danddayoos giyoobi nuuyyo aibinne baawa.

Sameela Maxaafaa Koiruwaa 19:8

Haranttuwaakka olai denddiis; Daawiti kiyidi Pilisxxeema asatuura olettiis; olettidi eta gita shochchaa shocin, eti a sinttappe baqatidosona.