Mazamure Maxaafaa 18:27 - Wolaytta Bible

²⁷ Banttana ziqqissiyaageeta ashshaasa; shin banttana xoqqissiyaageeta neeni ziqqissaasa.

Mazamure Maxaafaa 18:27 Iomraidhean Croise

Sameela Maxaafaa Naa77anttuwaa 22:28

Banttana ziqqissiyaageeta ashshaasa; shin banttana xoqqissiyaageeta ziqqissanau neeni eta xeellaasa.

Mazamure Maxaafaa 10:4

Iitai ba otoruwan Xoossaa koyenna; ba qofa ubbankka Xoossaa ainne wudenna.

Mazamure Maxaafaa 101:5

Geeman ba shooruwaa zigiriyaagaa taani sirphphi oottana. Otorettiyaanne ayyiya asa taani danddayikke.

Mazamure Maxaafaa 17:10

Etassi qareti baawa; otoruwan haasayoosona.

Mazamure Maxaafaa 17:13

Abeet GODAU, dendda. Ta morkketuura eqettada xoona; ne bisuwan iitatuppe tana ashsha ekka.

Mazamure Maxaafaa 34:19

Xillo asa metoi daro; shin GODAI a he ubbaappe ashshees.

Mazamure Maxaafaa 34:6

Ha hiyyeesa bitanee waassiis; waassin GODAI a waasuwaa siyiis; a metuwaa ubbaappe a ashshiis.

Mazamure Maxaafaa 40:17

Taani hiyyeesanne metootanchcha; tabaa Godai qoppo. Tana maaddiyainne ashshiyai nena; abeet ta Xoossau, gam77oppa.

Mazamure Maxaafaa 9:18

Hiyyeesi ubbatoo dogetti attenna; woikko metootanchchi wottido ufaissi merinaayyo xayenna.

Leemiso Maxaafaa 30:12

Daro tunaa tuni uttidi, banttana geeshshadan qoodiya asati de7oosona.

Isiyaasa 10:12

Godai Xiyoone Deriyaa bollinne Yerusalaame bolli ba oottiyo ooso ubbaa polidoogaappe guyyiyan, Asoore biittaa kawuwaa a ayyuwaunne a otoruwau qaxxayana.

Isiyaasa 3:9

Eta som77uwaa merai eta bolli markkattees; eti bantta nagaraa Sadooma asaadan awaajjoosona; bantta nagaraa qottokkona. Etau aayye7ana! Aissi giikko, eti bantta bolli iitabaa ehiidosona.

Isiyaasa 57:15

Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Isiyaasa 66:2

Hageeta ubbabaakka ta kushee oottiis gidennee? Hegaa gishshau, hageeti ubbatikka taageeta. SHin taani bana ziqqi oottiyaagaakko, ba oottido nagarau azzanidi simmiyaagaakkonne ta qaalan kokkoriyaagaakko xeellana.

Hoose7a 4:6

Ta asai eratettai xayin bayiis. Intte eratettaa ixxido gishshau, taanikka intte tau qeese gidanaagaa ixxais. Intte Xoossaa higgiyaa intte dogido gishshau, taanikka intte naata dogana.

Luqaasa 18:14

“Taani inttessi odiyoogee aibee giikko, hagee Parisaawiyaappe xillidi, ba soo biis. Aissi giikko, bana xoqqu oottiya urai kauyyana; shin bana kaushshiya urai xoqqu gaana” yaagiis.

Naa77antto Qoronttoosa 8:9

Aissi giikko, intte nu Godaa Yesuus Kiristtoosa aaro kehatettaa ereeta; Kiristtoosi dure gidi uttidi, intte a hiyyeesatettan duretanaadan, intte gishshau hiyyeesiis.

Yaaqooba 2:5

Ta siiqo ishatoo, siyite; Xoossai ha sa7an de7iya hiyyeesa asai ammanuwan duretanaunne bana siiqiyaageetuyyo immana giido saluwaa kawotettaa laattanau dooribeenneeyye?