Mazamure Maxaafaa 18:15 - Wolaytta Bible

¹⁵ Abeet GODAU, neeni seerido wodenne, hanqqettada peenuqido wode, abbaa haattai zin77ido biittai beettiis. Qassi sa7aa baasoikka qoncciis.

Mazamure Maxaafaa 18:15 Iomraidhean Croise

Sameela Maxaafaa Naa77anttuwaa 22:16

GODAI seerido wodenne hanqqettidi peenuqido wode, abbaa haattai zin77ido biittai beettiis. Qassi sa7aa baasoikka qoncciis.

Kawotu Maxaafaa Naa77anttuwaa 19:7

Be7a, oduwaa siyidi, i ba biitti simmana mala, taani a giddon issi ayyaanaa wottana. Yaatada i ba biitti biidi, yan bisuwan i haiqqanaadan taani a oottana” yaagees' yaagite” yaagiis.

Iyyooba Maxaafaa 36:32

I wolqqanttaa ba kushiyan oiqqees; oiqqidi ba halchchido sohuwaa shocanau azazees.

Iyyooba Maxaafaa 4:9

Eti Xoossaappe kiyiya shemppuwan punettidi bayana; a hanqquwaa peenuqettankka eti meetetti xayana.

Mazamure Maxaafaa 104:5

Neeni sa7aa a baasuwaa bolli essadasa; i meri merinaukka qaaxxenna.

Mazamure Maxaafaa 106:9

I Zo7o Abbaa azazin, abbai meliis; bazzuwan kaalettiyoogaadan, ciimmaa giddoora eta kaalettidi pinttiis.

Mazamure Maxaafaa 144:6

Wolqqanttaa yeddada ne morkketa laala! Ne wonddafiyaa zubbiyaa yeddada eta yedetta!

Mazamure Maxaafaa 74:15

Neeni pulttota dooya yeddadasa; ubbaton goggiya shaafata qassi melissadasa.

Mazamure Maxaafaa 76:6

Abeet Yaaqooba Xoossau, neeni seerido wode, paraasatinne parati kunddidi, haiqqi aggidosona.

Mazamure Maxaafaa 77:18

Ne dadaa gunttai gotiyaa giddon kooshimmiis; ne wolqqanttaa phoolettai sa7aa poo7issiis. Biittaikka gajigajidi kokkoriis.

Mazamure Maxaafaa 92:10

Ta kaciyaa bazzo menttaa kaciyaadan xoqqissadasa; lo77o zaitiyaa tana tiyadasa.

Kessaabaa 15:8

Ne siiriyaara kiyiya shemppuwan haattai doorettiis. Goggiya haattainne godadan minni eqqiis; ciimma haattati abbaa gomppan irkkidi minnidosona.

Isiyaasa 11:4

SHin hiyyeesatuyyo i xilluwan pirddana; sa7an de7iya metootanchchatu yohuwaakka i suuretettan kuuyana. I ba inxxarssaa gatiman sa7aa shocana; ba doonaa shemppuwan iitata worana.

Isiyaasa 30:33

Aissi giikko, tamaa eettiyoosai beni giigiis; he sohoi giigidoi kawuwaassa. He sohoi ziqqanne aaho gididi, tamainne daro mittai dooretti uttidoo soho. GODAA shemppoi dinniyaa shaafaadan yiidi, he tamaa eetti kessana.

Ermmaasa 31:37

GODAI hagaadan yaagees; “Bolla saloti likettanau, woikko garssa sa7aa baasoikka erettanau danddayikko, he wode taani Israa7eela zerettata ubbaa, eti oottido mooruwaa ubbaa gishshau, ta sinttappe diggana. Taani GODAI hagaa odais” yaagees.

Yoonaasa 2:6

Taani dereti baasettido sohuwaa duge wodhdhaas; biittaaninne a hiraquwan merinau gorddettaas. SHin abeet GODAU, ta Xoossau, neeni ta shemppuwaa ciimma ollaappe kessadasa.

Mikiyaasa 6:2

Inttenoo deretoo, inttenoo, sa7ai eqqido mino baasotoo, GODAI mootiyo mootuwaa siyite. GODAI ba asaara mootettees; Israa7eela asaara i palamettees.

Zakkaariyaasa 9:14

He wode GODAI eta bolli qonccana; a zubbeekka wolqqanttaadan wolqqammana. Ubbaa Haariya GODAI malkkataa punnana; tohossa bagga gotee kanttiyoogaadankka kanttana.

Sameela Maxaafaa Koiruwaa 7:10

Sameeli xuuggiyo yarshshuwaa yarshshiyo wode, Pilisxxeemati Israa7eelatuura olettanau shiiqidosona. SHin he gallassi Pilisxxeematu bolli GODAI gita dadaa gunttidi daganttin, eti Israa7eelatu sinttappe baqatidosona.