Mazamure Maxaafaa 18:13 - Wolaytta Bible

¹³ Qassi GODAI dadaadan saluwaappe guummiis; Ubbaappe Xoqqiya Xoossai ba cenggurssaa sissiis.

Mazamure Maxaafaa 18:13 Iomraidhean Croise

Iyyooba Maxaafaa 40:9

Xoossaa wolqqaa mala wolqqai neeyyo de7ii? Xoossai guummiyoogaadan neeni guummanau danddayai?

Mazamure Maxaafaa 104:7

SHin ne godatuwan haattati baqatidosona; ne azazuwaa siyidi, eesotidosona.

Mazamure Maxaafaa 11:6

GODAI iitatu bollan eexxiya tamaa bonqquwaanne eexxiya dinniyaa bukissana. Xuuggiya gote carkkuwan eta qaxxayana.

Mazamure Maxaafaa 140:10

Eta bolli xuuggiya bonqqoi qoletto; eti ollan olettona; hegaappe naa77antto denddoppona.

Mazamure Maxaafaa 78:48

Eta miizzata shachchan woriis; eta dorssaa wudiyaa xuuqqiya dadan mereessi wurssiis.

Kessaabaa 20:18

Asai ubbai dadai xuuqqiyoogaanne wolqqanttai wolqqammiyoogaa be7iis; malkkataa waasuwaa siyiis; qassi deree cuwattiyoogaakka be7iis; be7idi asai yashshaa kokkoriiddi, haahuwan eqqiis.

Kessaabaa 9:24

SHachchai wodhdhiis; wolqqanttai yaanne haanne wolqqammiis; Gibxxe biittan kawoi kawotoosappe doommin, Gibxxe biitta ubban wodhdhida shachcha ubbaappe hegee aadhdhiya iita shachcha.

Hizqqeela 10:5

Kiruubetu qefiyaa giirettai Ubbaa Haariya GODAA cenggurssaadan, kare dabaaban siyettees.

Imbbaaqooma 3:5

GODAI boshaa baappe sinttau kiittees; haiquwaakka ba geeduwaa kaalettees.

Yohaannisa 12:29

He sohuwan eqqida daro asai he qaalaa siyidi, “Hegee dadaa” yaagiis. Harati qassi, “Kiitanchchai ayyo haasayiis” yaagidosona.

Zaarettido Wogaa 32:24

Eti namisan, xuuggiya mishuwaaninne iita harggiyan wurana. Eta bolli meto gattiya bazzo do7atanne eta dukkiya allaga shooshshata eta bolli yeddana.

Yaasu Maxaafaa 10:11

Beeti-Horoonappe duge Azeeqa efiya ogiyaa oiqqidi eti Israa7eela asaa sinttappe baqatishin, GODAI wolqqaama shachchaa saluwaappe eta bollan bukissiis. Bukissin Israa7eela asai bisuwan worido asaappe, shachchai worido asai qoodan dariis.

Ajjuutaa 19:6

Hegaappe guyyiyan, daro asadan wocamiya, wolqqaama shaafadan guummiya, wolqqaama dadaadan xuuqqiya cenggurssaa taani siyaas. He cenggurssai, “Xoossaa galatai gakko. Aissi giikko, nu Godai, Ubbaappe Wolqqaama Xoossai kawotiis.

Ajjuutaa 4:5

Kawotaa araataappe wolqqanttai, kooshinchchainne dadaa gunttai kiyees; qassi kawotaa araataa sinttan laappun xomppeti poo7oosona. Hegeeti Xoossaa laappun ayyaanata.

Ajjuutaa 8:5

Hegaappe guyyiyan, kiitanchchai ixaanaa cuwayiyoogaa ekkidi, yarshshiyoosaappe tamaa bonqquwaa ekkidi, aani kunttiis. Kunttidi, he ixaanaa cuwayiyoogaa duge sa7aa olin, dadai xuuqqiis. Wolqqanttai wolqqammiis; qassi biittaikka qaaxxiis.

Sameela Maxaafaa Koiruwaa 7:10

Sameeli xuuggiyo yarshshuwaa yarshshiyo wode, Pilisxxeemati Israa7eelatuura olettanau shiiqidosona. SHin he gallassi Pilisxxeematu bolli GODAI gita dadaa gunttidi daganttin, eti Israa7eelatu sinttappe baqatidosona.