Mazamure Maxaafaa 149:2 - Wolaytta Bible

² Israa7eela asati banttana medhdhidaagan ufaittona. Xiyoone asati bantta kawuwan keehippe ufaittona.

Mazamure Maxaafaa 149:2 Iomraidhean Croise

Iyyooba Maxaafaa 35:10

SHin ooninne, 'Xoossai, tana Medhdhidaagee, qamman mazamuriyaa immidaagee, sa7aa do7atuppe aattidi, nuna tamaarissiyaageenne saluwaa kafotuppe aadhdhida eranchcha nuna oottiyaagee awan de7ii?' yaagenna.

Mazamure Maxaafaa 47:6

Xoossaa sabbite; ee, a sabbite. Nu kawuwaa sabbite; ee, a sabbite.

Mazamure Maxaafaa 95:6

Haayite; hokkidi ane ayyo goinnoos; nuna medhdhida GODAA sinttan gulbbatoos.

Isiyaasa 43:15

Taani GODAA, intte Geeshshaa, Israa7eela medhdhidaagaa, intte Kawuwaa” yaagees.

Isiyaasa 52:7

Lo77o mishiraachchuwaa ehiya, sarotettaa yootiya, ufaissiya mishiraachchuwaa yootiya, atotettaa yootiyaanne, Xiyoonekka, “Ne Xoossai kawotees” giiddi deretu bollaara yiya bitaniyaa tohoti aiba lo77iyoonaa!

Isiyaasa 54:5

Aissi giikko, nena Medhdhidaagee neessi azinaa; ayyo sunttaikka Ubbaappe Wolqqaama GODAA. Israa7eela Geeshshai nena Wozidaagaa; i biitta ubbaa Xoossaa geetettees” yaagees.

Yuu7eela 2:23

Inttenoo Xiyoone asatoo, ufaittite; GODAN, intte Xoossan, hashshu giite! Aissi giikko, i badhdheesaa iraa intteyyo darissidi immiis; qassi i kaseegaadan, intteyyo badhdheesaa iraanne ofinttaa iraa gidissidi immiis.

Imbbaaqooma 1:12

Abeet GODAU, ta Xoossau, ta Geeshshau, neeni merinaappe doommada de7iya Xoossaa gidikkii? Neeni nu Zaalla gidiyo gishshau, nuuni haiqqokko. Abeet GODAU, Kaladaaweti nuna pirddanaadan, neeni eta denttadasa; denttada wolqqaakka etau immadasa.

Sofonaasa 3:14

Xiyoone na7ee, mazamuriyaa yexxa! Israa7eela asau, ililite! Yerusalaame na7ee, ne polo wozanaappe ufaitta; ufaittada hashshukka ga!

Sofonaasa 3:15

GODAI intte bolli pirddido pirddaa aggiis; intte morkketakka diggiis. GODAI, Israa7eela Kawoi, intte giddon de7ees; hagaappe sinttanau inttena yashissiyaabi baawa.

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Maatiyoosa 25:34

“Hegaappe guyyiyan, taani kawoi taappe ushachcha baggaara de7iyaageeta hagaadan yaagana; ‘Ta Aawai anjjidoogeetoo, haa yiidi sa7ai merettoosappe hachchi gakkanaashin, intteyyo giigida kawotettaa laattite.

Luqaasa 19:27

SHin ha bantta bolli taani kawotana mala dosibeenna ta morkketa haa ehiidi, ta sinttan goora7ite’ giis” yaagiis.

Luqaasa 19:38

“Godaa sunttan yiya kawoi anjjettidaagaa; saluwan sarotettai gido. Qassi salo ubbaappe bolla saluwan de7iya Xoossai bonchchetto” yaagidosona.

Yohaannisa 19:15

Yaagin Aihudati bantta qaalaa xoqqu oottidi, “Digga! Digga! Masqqaliyaa bolli misimaariyan xishada kaqqa!” yaagidosona. PHilaaxoosi zaaridi, “Intte kawuwaa taani masqqaliyaa bolli misimaariyan xishada kaqqiyoogaa koyeetii?” yaagidi oichchiis. Oichchin qeese halaqati, “Qeesaarappe hara kawoi nuuyyo baawa!” yaagidosona.

Zaarettido Wogaa 12:7

Hegan GODAI intte Xoossai de7iyoosan intte maana; qassi intte kushee oottidoban ubbaaninne GODAI intte Xoossai inttena anjjidoban intte ufaittana.

Piliphphisiyuusa 3:3

Aissi giikko, nuuni Xoossaa Geeshsha Ayyaanan Xoossaayyo goinniyo gishshaunne nu de7uwan Godaa Kiristtoos Yesuusan ufaittiyo gishshau, tumu qaxxaraa qaxxarettidaageeta; asatettaa bolli oosettiyaaban ammanokko.

Ajjuutaa 19:6

Hegaappe guyyiyan, daro asadan wocamiya, wolqqaama shaafadan guummiya, wolqqaama dadaadan xuuqqiya cenggurssaa taani siyaas. He cenggurssai, “Xoossaa galatai gakko. Aissi giikko, nu Godai, Ubbaappe Wolqqaama Xoossai kawotiis.

Sameela Maxaafaa Koiruwaa 12:22

GODAI ba gita sunttaa gishshau ba asaa aggenna; aissi giikko, i inttena ba asa oottanau ufaittees.