Mazamure Maxaafaa 144:13 - Wolaytta Bible

¹³ Nu gootarati daro dumma dumma qommo kattan kumona; nu dembbatun de7iya dorssati sha7aa, tammu sha7aa yelona.

Mazamure Maxaafaa 144:13 Iomraidhean Croise

Wogaabaa 26:10

Intte shaachcha kattaa maana; qassi ha laitta kattaa wottanau, shaachcha kattaa diggidi sohuwaa kessana.

Wogaabaa 26:5

Intte kattaa qoxxiyo wodiyaappe biidi woiniyaa aifiyaa maxiyo wodee gakkanaashin kattaa qoxxana; qassi woiniyaa aifiyaa maxoikka biidi kattaa zeriyo wodee gakkanaashin wurenna. Intte kallana gakkanaashin qumaa maana; qassi intte intte biittankka saruwan de7ana.

Milkkiyaasa 3:10

Ta Beeta Maqidasiyan qumi de7anaadan, asirata ubbaa gootaran yeggite. Yaatidi taani saluwaa maskkootiyaa dooyada anjjuwaa intteyyo palahissada gussana xayikko, tana hegan paaccite.

Zaarettido Wogaa 28:4

Ne uluwaa aifee, ne shooqaa aifee, ne mehiyaa maratinne ne dorssaanne ne deeshshaa wudiyaa marati corattidi anjjettidaageeta gidana.

Zaarettido Wogaa 28:8

“GODAI ne kushee oiqqidobaa ubbaanne ne gootaraa anjjana; GODAI ne Xoossai neeyyo i immiyo biittan nena anjjana.

Zaarettido Wogaa 8:3

I nena ziqqi oottiisinne namisissiis; hegaappe simmidi nena gidin, woi ne maizza aawata gidinkka, erenna mannaa nena miziis. Hegaa i oottidoogee asi GODAI haasayiyo qaala ubbaanappe attin, oitta xallan de7ennaagaa nena tamaarissanaassa.