Mazamure Maxaafaa 140:12 - Wolaytta Bible

¹² GODAI hiyyeesatussi pirddiyoogaanne metootanchchatu maataa naagissiyoogaa erais.

Mazamure Maxaafaa 140:12 Iomraidhean Croise

Kawotu Maxaafaa Koiruwaa 8:45

eta woosaanne watiwatuwaa saluwan neeni siya; siyada etau xoonuwaa imma.

Kawotu Maxaafaa Koiruwaa 8:49

eta woosaanne eta watiwatuwaa neeni de7iyoosan saluwan siya. Siyada etau pirdda.

Mazamure Maxaafaa 102:17

I hiyyeesatu woosaa siyana; eta watiwatuwaa karenna.

Mazamure Maxaafaa 12:3

Abeet GODAU, ha sheleeshshiya doonaa bara. Otoruwan, “Nuuni nu inxxarssan xoonana; nu inxxarssai nuugaa; nu godai oonee?” yaagidi, ceeqettiya inxxarssa ubbaa neeni qanxxa ola.

Mazamure Maxaafaa 22:24

I naaqettidaageeta karenna; eta gakkida qohuwaa tau ai metoo geenna. Bari som77uwaa etappe genttenna; shin eti maaduwaassi akko waassiyo wodiyan, eta waasuwaa siyees.

Mazamure Maxaafaa 35:10

Ta kumetta asatettai nena, “Abeet GODAU, ne mali oonee? Hiyyeesaa wolqqaamaa kushiyaappe wotta ekkaasa. Hiyyeesaanne metootanchchaa bonqqi miyaageetu kushiyaappe ashshaasa” yaagana.

Mazamure Maxaafaa 72:4

He kawoi asaa giddon naaqettidaageetu gishshaa mootetto; hiyyeesata i ashsho; huqqunniyaageeta i mentteretto.

Mazamure Maxaafaa 9:4

Neeni taayyo xillo pirddaa pirddadasa; neeni xillotettan pirddaidda, ne kawotaa araatan uttadasa.

Leemiso Maxaafaa 22:22

Hiyyeesatussi aibinne bainna gishshau, etabaa bonqqoppa; shilootankka metootanchchatu maataa xaissoppa.

Isiyaasa 11:4

SHin hiyyeesatuyyo i xilluwan pirddana; sa7an de7iya metootanchchatu yohuwaakka i suuretettan kuuyana. I ba inxxarssaa gatiman sa7aa shocana; ba doonaa shemppuwan iitata worana.

Ermmaasa 22:16

I hiyyeesatuyyoonne metootanchchatuyyo suure pirddiyo gishshau, au ubbabaikka haniis. GODAA erees yaagiyoogee hagaa.

Maatiyoosa 11:5

qooqeti xeelloosona; wobbeti hemettoosona; inchchirichchai oiqqidoogeeti paxoosona; tulleti siyoosona; haiqqidaageeti denddoosona; hiyyeesati wonggeliyaa mishiraachchuwaa siyoosona.