Mazamure Maxaafaa 132:14 - Wolaytta Bible

¹⁴ “Hagee taayyo merinau de7iyo soho; taani amottido gishshau, hagan uttana.

Mazamure Maxaafaa 132:14 Iomraidhean Croise

Kawotu Maxaafaa Koiruwaa 8:13

Taani tumuppe neeyyo lo77o Beeta Maqidasiyaa, neeni an merinau de7ana sohuwaa keexxaas” yaagiis.

Kawotu Maxaafaa Koiruwaa 8:27

“SHin Xoossai tumu sa7an de7aneeyye? Be7a, saloti, ubbaappe xoqqan de7iya saloikka neeyyo gidanau danddayenna. Yaatin, ha taani keexxido Beeta Maqidasee neeyyo ai keenaa guuxxanddeeshsha!

Kawotu Maxaafaa Koiruwaa 9:3

Qonccidi GODAI a hagaadan yaagiis; “Neeni ta sinttan woossido woosaanne watiwatido watiwatuwaa taani siyaas. Neeni keexxido Beeta Maqidasee merinau ta sunttai an xeesettana mala oottada taani geeshshaas; ta aifeenne ta wozanai ubba wode ha Beeta Maqidasiyan de7ana.

Hanidabaa Odiya Koiro Maxaafaa 23:25

Daawiti, “GODAI Israa7eela Xoossai ba asaa shemppissiis. GODAI Yerusalaamen merinau de7ana.

Mazamure Maxaafaa 132:8

Abeet GODAU, dendda! Ne minotettau malaata gidiya ne Taabootaara ne Beeta Maqidasiyaa gelada de7a.

Mazamure Maxaafaa 135:21

Yerusalaamen de7iya GODAI Xiyoonen galatetto! GODAA galatite!

Mazamure Maxaafaa 68:16

Daro xeerati de7iyo deretoo, Xoossai baassa oottanau doorido deriyaa intte aissi qanaatidi xeelleetii? GODAI an merinau de7ana.

Mazamure Maxaafaa 68:18

Omoodettida darota ekkidi, i pude xoqqaa kiyiis. Asaappe, harai atto makkalanchcha asaappekka imuwaa ekkiis. GODAI Xoossai yan de7ana.

Mazamure Maxaafaa 76:2

A dunkkaanee Salaameena; i de7iyoosai Xiyooneena.

Mazamure Maxaafaa 87:2

GODAI Yerusalaame katamaa Israa7eelan de7iyo soho ubbaappe aattidi siiqees.

Isiyaasa 11:10

He gallassi Isseya zaree asaayyo malaata gididi eqqana; eqqin kawotetta ubbai a koyana; i de7iyo sohoikka bonchchettana.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Isiyaasa 57:15

Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Isiyaasa 66:1

GODAI hagaadan yaagees; “Saloi ta kawotaa araata; sa7aikka ta tohoi yedhdhiyo soho. Yaatin intte taayyo keexxana keettai ai mala keettee? Taani shemppana sohoinne awaanee?

Isiyaasa 8:18

Tananne taayyo GODAI immido naata be7ite. Nuuni Xiyoone Deriyan de7iya Ubbaappe Wolqqaama GODAAPPE Israa7eelayyo malaatanne markka.

Yuu7eela 3:21

Taani haluwaa kessennan aggido eta suuttaa haluwaa biron kessana; aissi giikko, GODAI Xiyoonen de7ees” yaagees.

Sofonaasa 3:17

GODAI ne Xoossai ne giddon de7ees; i neeyyo xoonuwaa immiya olanchchaa. I nenan ufaittana; i ba siiquwan nena ooraxissana; asai baala gallassi yexxiyoogaadan, i nenan ufaittidoogaa mazamuriyaa yexxidi bessana” yaagana. GODAI hagaadan yaagees; “Hagaappe sinttanau ne bolli bashshai gakkennaadan taani oottana; ne yeellaakka quccana.

Maatiyoosa 23:21

Beeta Maqidasiyan caaqqiya urai, he Beeta Maqidasiyaaninne a giddon de7iya Xoossan caaqqees.

Efisoona 2:22

Intte qassi Xoossai ba Ayyaanan de7iyo keetta gidanau, haratu ubbaara issippe Kiristtoosan keexetteeta.

Ibraawe 12:22

SHin intte Xiyoone Deriyaa, de7o Xoossai de7iyo katamaa, issippe shiiqidi ufaittiya daro sha7u kiitanchchatukko saluwaa Yerusalaame yiideta.

Ajjuutaa 21:23

Katameeyyo poo7iya awi woi agini koshshenna. Aissi giikko, Xoossaa bonchchoi he katamen poo7ees; Dorssaikka he katameeyyo xomppe.