Mazamure Maxaafaa 13:2 - Wolaytta Bible

² Taani ta qofaara baaxetiyoogee aude gakkanaassee? Ubba gallassi azzanoi ta wozanan de7anaagee aude gakkanaassee? Ta morkketi ta bolli goobanaagee aude gakkanaassee?

Mazamure Maxaafaa 13:2 Iomraidhean Croise

Nahimiyaa Maxaafaa 2:2

Hegaa gishshau, kawoi tana, “Nena sakkiyaabi baawa; shin hagaa keenaa aissi azzanadii? Hagee ne wozanaa azzanissidabi issi aibakko de7iyoogaa bessees” yaagiis. Yaagin taani keehi yayyaidda zaarada,

Asttiri Maxaafaa 7:6

Oichchin Asttira, “Nu morkkee, nuna yedettiyaagee hagaa ha iitaa Hamaana” yaagaasu. He wode Hamaani kawuwaa sinttaaninne kawee sinttan daro dagammiis.

Iyyooba Maxaafaa 10:15

Taani mooranchcha gidikko, taayyo aayye7ana! Qassi taani xillo gidiyaakkokka, ta huuphiyaa pude xoqqu oottanau danddayikke. Aissi giikko, neeni tana yeellan kuntta wottadasanne tuggan mattoya wottadasa.

Mazamure Maxaafaa 10:18

Aawi bainnaageetanne un77ettidaageeta morggiyaa oiqqada, asi biittappe merettidaagee, simmi mulekka eta yashissenna mala, eta waasuwaa siyaasa.

Mazamure Maxaafaa 116:3

Haiqoi piredan tana oiqqanau haniis; moogettana hirggai tana iissiis. Tana gashee toliis.

Mazamure Maxaafaa 17:9

Tana un77i wottida iitatuppenne dooddi wottida diina morkketu kushiyaappe tana qosa.

Mazamure Maxaafaa 31:18

Otoruwaaninne kariyan xillotu bolli xalidi haasayiyo gishshau, eta worddotiya doonaa co77u ootta.

Mazamure Maxaafaa 38:17

Taani kunddana hanais; ta sahoinne tana yeddennan ixxiis.

Mazamure Maxaafaa 42:4

Taani eta baalaa bonchchanau shiiqida daro asaa giddoora salppiyan hombbocishiininne galata yettaa yexxishin, Xoossaa keetti kaalettidoogaa qoppiyo wode, ta wozanai azzanidi, giddon seerees.

Mazamure Maxaafaa 6:4

Abeet GODAU, neeni simmada, tana ashsha; ne siiquwaa daruwan tana kessa ekka.

Mazamure Maxaafaa 7:2

Neeni tana ashshennabaa gidikko, eti tana gaammuwaadan zaazidi, ooninne ashshennan dafidi carqqayana.

Mazamure Maxaafaa 74:10

Abeet Xoossau, ne morkketi woisa wodiyaa ne bolli qilliiccanee? Eti ne sunttaa merinaayyo cayanee?

Mazamure Maxaafaa 74:18

SHin abeet GODAU, ne morkketi nena waati qilliiccidaakko, qassi eeyya asati ne sunttaa waati cayidaakko hassaya.

Mazamure Maxaafaa 8:2

Neeni ne morkketu gishshau ne baarigaaraanne neeyyo manddiyaagaa sirphphi oottanau, guutta naatu doonan xammiya naatu doonan galataa kunttadasa.

Mazamure Maxaafaa 9:6

Morkketi merinaa xayuwaa xayidosona; qassi eta katamata muleera xoqollarggadasa. Eti muleera dogetti attidosona.

Leemiso Maxaafaa 15:13

Wozanai ufaittin, som77oi poo7ees; shin wozani azzanikko, he aawu siiddees.

Eranchchaa Maxaafaa 5:17

I ba laittaa ubbaa xuma de7uwan, azzanuwan, yiillotiyoogan, harggiyaaninne hanqquwan wurssees.

Ermmaasa 15:18

Sahoi taappe duuxxennan ixxiyoogeenne ta masunttai paxennan ixxiyoogee aibissee? Neeni taayyo meliya shaafadan, to7iya pulttodan, hanana hanaiyye?

Ermmaasa 45:3

'Neeni, “GODAI ta sahuwaa bollan azzanuwaa gujjido gishshau, aayyee tanoo! Taani yeehuwan daafurada shemppuwaakka xayaas” yaagadasa' yaagees.

Ermmaasa 8:18

Paxanau danddayenna keenaa taani azzanaas; ta wozanaikka ta giddon seerees.

Ermmaasa Zilaassaa 1:5

I morkketi iyyo goda gididosona; etau injjetin de7idosona. Aissi giikko, i nagaraa daruwaa gaasuwan GODAI o tuggayiis; i guutta naati morkkiyan omoodettidi biidosona.

Ermmaasa Zilaassaa 1:9

I tunatettai i afalaa xeeraa baqqi oiqqiis. Sinttappe ba bolli hananabaa a qoppabeikku. Hegaa gishshau, i kunddettai daganttiyaagaa. A, “Abeet GODAU, ta tuggaa be7a! Ta morkketi tana xoonidosona” ginkka, o minttettiyaabi issoinne baawa.

Ermmaasa Zilaassaa 5:20

Neeni nuna aissi ubba wode dogai? Qassi hagaa keena adussa wodiyaa nuna aissi aggai?

Maatiyoosa 26:38

Qassi eta, “Taani haiqqana gakkanaassikka kayyottais; hagan takkidi, tanaara naagite” yaagiis.

Luqaasa 22:53

Taani Beeta Maqidasiyan gallassi gallassi inttenaara de7iyo wode tana oiqqibeekketa; shin hagee intte wodenne xumaa wolqqaa wode” yaagiis.

Yohaannisa 16:6

SHin taani hagaa odido gishshau, intte wozanan daro azzanoi de7ees.

Roome 9:2

Taayyo ashuwan zare gidiya ta ishanttuyyo, ta wozanan daro qaretainne aggenna qofai de7ees.

Piliphphisiyuusa 2:27

I tumu sakettidi, haiqqiichchidi attiis; shin Xoossai au qarettiis; a xalaalaayyo gidennan azzanoi azzanuwaa bolli gujettennaadan, taayyookka qarettiis.

Sameela Maxaafaa Koiruwaa 18:29

Hegaa gishshau, Saa7ooli Daawitayyo kaseegaappe aattidi yayyiis. Saa7ooli ba de7o laitta ubban Daawitayyo morkke gidiis.

Sameela Maxaafaa Koiruwaa 24:19

Asi ba morkke demmidi qohennan yeddiiyye? Neeni taayyo hachchi oottido kehatettaa gishshau, GODAI nena anjjo.