Mazamure Maxaafaa 127:1 - Wolaytta Bible

¹ GODAI keettaa keexxana xayikko, keexxiyaageeti coo mela daafuroosona. GODAI katamaa naagana xayikko, naagiyaageeti coo mela naagoosona.

Mazamure Maxaafaa 127:1 Iomraidhean Croise

Kawotu Maxaafaa Koiruwaa 5:12

GODAI Solomonassi immana giidoogaadan, ayyo aadhdhida eratettaa immiis. Kiiraaminne Solomoni bantta giddon saro de7idosona; eti naa77ai bantta giddon maachchaa maacettidosona.

Hanidabaa Odiya Koiro Maxaafaa 28:10

Ha77ikka Beeta Maqidasiyaa keexxanau GODAI nena dooridoogaa dogoppa. Minnada oosuwaa ootta” yaagiis.

Hanidabaa Odiya Koiro Maxaafaa 28:20

Hegaappe guyyiyan, Daawiti ba na7aa Solomona, “Aikko baa; minna! Oosuwaa ootta! GODAI Xoossai, ta Xoossai nenaara de7iyo gishshau, yayyoppa; dagammoppa! GODAA Beeta Maqidasiyaa oosoi polettana gakkanaashin, Xoossai nena yeggennanne aggenna.

Hanidabaa Odiya Koiro Maxaafaa 29:19

Ne wogaa, ne azazuwaanne ne higgiyaa naaganaadaaninne taani halchchada giigissa wottidoban Beeta Maqidasiyaa i keexxanaadan ta na7aa Solomonau kumetta wozanaa imma” yaagidi galatiis.

Mazamure Maxaafaa 120:1

Ta waayiyaa wode taani GODAA xeesaas; xeesin i taayyo koyiis.

Mazamure Maxaafaa 121:1

Taani xoqqu gaada wogga dereta xeellais; taayyo maadoi auppe yanddeeshsha?

Mazamure Maxaafaa 122:1

Eti tana, “Ane GODAA keettaa boos” yaagin, taani ufaittaas.

Mazamure Maxaafaa 123:1

Nenoo, kawotaa araatan saluwan uttidaagoo, taani pude neekko xeellais.

Mazamure Maxaafaa 124:1

GODAI nu bagga gidennaakko, nuuni waananeeshsha? Israa7eela asati zaaruwaa hagaadan yaagidi zaarona;

Mazamure Maxaafaa 125:1

GODAN ammanettiyaageeti qaaxxanau danddayenna, merinau de7iya Xiyoone Deriyaa mala.

Mazamure Maxaafaa 126:1

GODAI nuna omoodettidaageeta zaaridi, Yerusalaame ehiido wode, nuuyyo aimo milatiis.

Mazamure Maxaafaa 72:1

Abeet Xoossau, kawoi ne suuretettan pirddanaadan, neeni a tamaarissa; nu kawuwaayyo ne xillotettaa imma.

Mazamure Maxaafaa 78:69

Hegan i ba Beeta Maqidasiyaa saluwaadan xoqqan keexxiis; sa7aadan merinau essiis.

Leemiso Maxaafaa 16:9

Asi ba wozanan ba oottanabaa halchchees; shin halchchoi GODAI maaddin polettees.

Eranchchaa Maxaafaa 9:11

Taani saloppe garssaara harabaakka be7aas; hegeekka, eesotiya wottanchchati ubba wode xoonokkona; woikko mino olanchchatikka ubba wode olan xoonokkona; woikko aadhdhida eranchchati ubba wode qumaa demmokkona; woikko cinccati ubba wode duretokkona; woikko tamaarida asati ubba wode sabettokkona. SHin ubbaikka qaadainne wodee oottoogaadan hanees.

Siiquwaa Sabaa 3:3

Katamaa yuuyi naagiyaageeti tana demmidosona; taanikka, 'Ta siiquwaa be7idetii?' yaagada eta oichchaas.

Siiquwaa Sabaa 5:7

“Yuuyidi katamaa naagiyaageeti tana demmidi, wadhdhidosonanne masunxxissidosona; katamaa dirssaa naagiyaageeti ta qumaashaa qaari ekkidosona.

Isiyaasa 27:3

Taani, GODAI a naagiyaagaa; taani a ha77i ha77i haattaa ushshais; ooninne a qohennaadan, taani qamminne gallassi a naagais.

Isiyaasa 56:10

Israa7eela asaa naagiyaageeti qooqe; etau ubbaukka eri baawa. Eti ubbaikka boccanau danddayenna duude kanatu mala. Eti zin77idi aimottoosona; eti xiskko dosoosona.

Isiyaasa 62:6

Nenoo Yerusalaamee, ne dirssaa gimbbiyaa bollan wochchiyaageeta taani wottaas; eti gallassikka qammikka co77u gookkona. Inttenoo, Yerusalaamebaa GODAA hassayissiyaageetoo, i Yerusalaame keexxana gakkanaashiininne biittaa ubbaa bollan nashettida katama oottana gakkanaashin, intteyyookka shemppoppite; akka shemppissoppite.

Ermmaasa 51:12

Baabiloone bolli olaa banddiraa denttite; naagiyaageetakka minttite! Wochchiyaageetakka eta sohuwan sohuwan wottite; zuggidi naagiya olanchchatakka giigissite!” yaagidosona. Aissi giikko, GODAI Baabiloonen de7iya asaa bolli haasayidobaanne qoppidobaa oottana.

Ermmaasa 51:31

Ha gaxaappe hini gaxaa gakkanaashin, katamai morkkiyan ohettidoogaa Baabiloone kawuwaassi yootanau, woxxiyaagee woxxiyaagaa kaallidi, kiitettidaageekka kiitettidaagaa kaallidi boosona.

Koiro Qoronttoosa 15:14

Kiristtoosi haiquwaappe denddibeennabaa gidikko, yaatin nuuni yootiyoogeekka mela; qassi intte ammanoikka mela.

Koiro Qoronttoosa 3:7

Hegaa gishshau, dichchiyaagee Xoossaa gidaappe attin, tokkiyaageekka haattaa ushshiyaageekka aibanne gidenna.

Galaatiyaa 4:11

Tana inttebai yashshees; taani intteyyo coo mela daafuridanaashsha?

Zaarettido Wogaa 8:18

SHin neeni GODAA ne Xoossaa hassaya; aissi giikko, hachchi neeni be7iyoogaadan, ne maizza aawatuura maacettido maachchaa minttanau, neeni duretaa demmanaadan neeyyo wolqqaa immidaagee attennee.

Yaasu Maxaafaa 2:2

Gelin Yarkko kawoi, “Israa7eela asaappe kiitettidaageeti ha biittaa xomoosanau qammi yiidosona” giyo oduwaa siyiis.