Mazamure Maxaafaa 119:9 - Wolaytta Bible

⁹ Yelagai ba ogiyaa geeshsha oottidi waati naaganau danddayii? Ne qaalai giyoogaadan de7ikko danddayees.

Mazamure Maxaafaa 119:9 Iomraidhean Croise

Hanidabaa Odiya Naa77antto Maxaafaa 6:16

“Ha77ikka abeet GODAU, Israa7eela Xoossau, neeni ne ashkkaraassi, ta aawaa Daawitassi, 'Neeni ta sinttan hemettidoogaadan ne naatikka ta higgiyan hemettanau bantta ogiyaa naagikko, Israa7eela kawotaa araatan uttiya asa neeni mulekka xayakka' yaagido qaalaa pola.

Iyyooba Maxaafaa 1:5

Gibiraa gallassati polettido wode, Iyyoobi maallado guuraara denddidi, ba naatu issuwaa issuwaa sunttan xuuggiyo yarshshuwaa yarshshees. I hegaa oottiyoogee, “Ta naati geelladan bantta wozanan Xoossaa qanggidi, nagara oottidaakkonne” giidi hirggido gishshaassa. I eta geeshshanaassi hegaa ubbaton oottees.

Iyyooba Maxaafaa 13:26

Neeni ta bolli xaafido mootoi camo; harai attin, taani yelagatettan de7aidda oottido mooruwaanne ashshabaakka.

Mazamure Maxaafaa 119:11

Taani nena naaqqennaadan ne qaalaa ta wozanan wottaas.

Mazamure Maxaafaa 25:7

Ta yelagatettaa nagaraanne mooruwaa hassayoppa. Abeet GODAU, neeni keha gidiyo gishshau, aggenna ne siiquwaadan tana hassaya.

Mazamure Maxaafaa 34:11

Ta tamaaretoo, haa yiite; siyite; GODAA yashshaa taani inttena tamaarissana.

Leemiso Maxaafaa 1:10

Ta na7au, nena nagaranchchati balettikko, eeno gooppa.

Leemiso Maxaafaa 1:4

hiillaa erennaageeta erissiyaageeta, wodallatussi eratettaanne adussa qofaa immiyaageeta.

Leemiso Maxaafaa 2:11

Nena adussi qoppiyoogee naagana; akeekaikka nena saro ashshana.

Leemiso Maxaafaa 4:1

Ta naatoo, intte aawaa zoriyaa siyite; loitti ezggite; yaatikko, intte akeekana.

Leemiso Maxaafaa 7:7

xeellada wozanaa kunttibeenna wodalla naata be7aas. Eta giddoppe issoi keehi eeyya.

Eranchchaa Maxaafaa 11:9

Nenoo yelagau, yelagatettai keehi lo77obaa gidiyo gishshau, ne yelagatettaa laittan ufaitta; ne wozanaikka ufaitto. Ne aifee xeellidobaanne ne wozanai amottidobaa ubbaa pola. SHin, he neeni oottidobaa ubbaa gishshau, nena Xoossai pirddanau de7iyoogaa dogoppa.

Luqaasa 15:13

“Guutta gallassaappe guyyiyan, kaalo na7ai ba miishshaa ubbaa shiishshi ekkidi, haaho dere biis. Hegan miishshaa ohettaa mooridi, ba miishshaa laaliis.

Yohaannisa 15:3

Taani intteyyo ha77i odido qaalaa gaasuwan, intte geeshsha.

Zaarettido Wogaa 17:18

“I ba kawotettaa araatan uttiyo wode, Leewa zare gidiya qeeseti naagiyo maxaafaappe ha higgiyaa duuqqidi bau ekko.

Naa77antto Ximootiyoosa 2:22

SHin neeni iita wodallatetta amuwaappe baqata. Banttana maaddanau geeshsha wozanaappe Godaa xeesiyaageetuura issippe, xillotettaa, ammanuwaa, siiqotettaanne sarotettaa minttada kaalla.

Yaasu Maxaafaa 1:7

Minna; keehippe xala! Ta ashkkarai Muusee nena azazido higgiyaa ubbaa minttada naaga. Neeni biyo soho ubban neeyyo injjetana mala, appe ushachchi woikko haddirssi booppa.