Mazamure Maxaafaa 119:74 - Wolaytta Bible

⁷⁴ Taani ne qaalan ufaissaa oottido gishshau, neessi yayyiyaageeti tana be7idi ufaittona.

Mazamure Maxaafaa 119:74 Iomraidhean Croise

Mazamure Maxaafaa 108:7

Xoossai ba geeshsha sohuwan hagaadan yaagiis; “Taani xoonada Sekeema biittaa shaakkana; qassi Sukkota Dilbbaa likkana.

Mazamure Maxaafaa 119:147

Xalqqee dolenna guuran denddada, “Tana maadda” gaada neeyyo waassais. Neeni taayyo giido qaalan ufaissaa oottais.

Mazamure Maxaafaa 119:42

Taani ne qaalan ammanettiyo gishshau, tana cayiyaageetuyyo zaaranau danddayais.

Mazamure Maxaafaa 119:43

Taani ne pirddan ufaissaa oottiyo gishshau, ta inxxarssaappe tumatettaa qaalaa xaissoppa.

Mazamure Maxaafaa 119:79

Neessi yayyiyaageetinne neeni yootidobaa eriyaageeti ubbai taakko yona.

Mazamure Maxaafaa 66:16

Inttenoo, Xoossaassi yayyiyaageetoo, ubbati haa yiidi, siyite. Xoossai taassi oottidobaa taani inttessi yootana.

Milkkiyaasa 3:16

He wode GODAASSI yayyiyaageeti issoi issuwaara haasayidosona; GODAIKKA ezggidi siyiis. GODAASSI yayyidaageetinne a sunttaakka bonchchidaageeti dogettennaadan, eta hassayissiya maxaafai a sinttan xaafettiis.

Luqaasa 21:33

Saloinne sa7ai aadhdhana; shin ta qaalai mulekka aadhdhenna.