Mazamure Maxaafaa 119:59 - Wolaytta Bible

⁵⁹ Taani ta ogiyaa akeeka xeellada, neeni yootidobaakko simmaas.

Mazamure Maxaafaa 119:59 Iomraidhean Croise

Ermmaasa Zilaassaa 3:40

Hegaa aggidi, ane nu ogiyaa paaccoosinne qoroos; GODAAKKO ane simmoos.

Hizqqeela 18:28

I ba oottido nagaraa ubbaa qoppidi simmido gishshau, i tumu paxa de7anaappe attin haiqqenna.

Hizqqeela 18:30

“Hegaa gishshau, inttenoo, Israa7eela asatoo, taani inttena ubbaakka intte ogiyaadan ogiyaadan pirddana. Nagarai intte xayuwaassi gaaso gidennaadan paaxite; intte mooro ubbaappekka simmite. Taani Ubbaa Haariya GODAI hagaa odais.

Hizqqeela 33:19

Qassi nagaranchcha asi ba nagaraappe simmidi, pirddaanne suure oosuwaa oottikko, he oosuwan i paxa de7ana.

Yuu7eela 2:13

Intte wozanaappe attin, intte maayuwaa pooshshoppite” yaagees. GODAAKKO, intte Xoossaakko, simmite; aissi giikko, i qaretainne maarotai kumidoogaa; hanqquwau eesotennaagaanne siiqoi daridoogaa; i inttena qaxxayanau yeemottennaagaa.

Hagge 1:5

Hegaa gishshau, Ubbaappe Wolqqaama GODAI hagaadan yaagees; “Ane intte inttena gakkiiddi de7iyaabaa qoppite.

Hagge 1:7

Qassikka Ubbaappe Wolqqaama GODAI hagaadan yaagees; “Ane intte inttena gakkiiddi de7iyaabaa qoppite.

Yohaannisa 11:29

Mairaama hegaa siyido wode, eesuwan dendda eqqada Yesuusakko baasu.

Naa77antto Qoronttoosa 12:21

Taani inttekko naa77anttuwaa biyo wode, ta Xoossai intte sinttan tana kaushshanaakkonne yayyais; taani nagara kase oottidi, bantta oottido tunatettaappe, shaaramuxatettaappenne amuwaappe simmibeenna daro asatuyyo yeekkennan aggikke gaada yayyais.

Naa77antto Qoronttoosa 13:5

Ammanuwan intte de7iyaakkonne ane inttena qoridi pirddite; paaciyan intte muleera kunddikkoppe attin, Kiristtoosi inttenan de7iyoogaa intte geeshshidi ereeta.