Mazamure Maxaafaa 119:173 - Wolaytta Bible

¹⁷³ Taani ne wogaa doorido gishshau, ne kushee tana maaddanau giigidaagaa gido.

Mazamure Maxaafaa 119:173 Iomraidhean Croise

Hanidabaa Odiya Koiro Maxaafaa 4:10

Yaabeexi Israa7eela Xoossaa xeesidi, “Abeet Xoossau, hai tana neeni anjja; ta gadiyaakka aassa. Tanaara issippe gida; tana sakkennaadan tana qohiyaabaappe neeni naaga” yaagidi woossiis. Woossin Xoossai a woosaa siyiis.

Mazamure Maxaafaa 119:111

Neeni yootidobai merinau tabaa; ee, i ta wozanaayyo ufaissa.

Mazamure Maxaafaa 119:117

Tana zemppissa; yaatikko, taani saro de7ana; taani ubba wode ne awaajjuwaa ezggana.

Mazamure Maxaafaa 119:30

Taani tumaa ogiyaa dooraas; ne pirddaa ezggaas.

Mazamure Maxaafaa 119:35

Ne azazuwaa ogiyan tana kaaletta; aissi giikko, taani an ufaittais.

Mazamure Maxaafaa 119:40

Taani ne wogaa naaganau amottais; neeni xillo gidiyo gishshau, ta de7uwaa ooraxissa.

Mazamure Maxaafaa 119:94

Taani nebaattennee; tana ashsha; aissi giikko, taani ne wogaa naaganau koyais.

Mazamure Maxaafaa 37:24

Eti xubettikkokka kunddokkona; aissi giikko, GODAI eta kushiyaa oiqqidi kaafees.

Leemiso Maxaafaa 1:29

Aissi giikko, eti eratettaa ixxidosona; GODAASSI yayyiyoogaa dooribookkona.

Marqqoosa 9:24

Sohuwaara na7aa aawai ba qaalaa xoqqu oottidi, “Taani ammanais; shin gujja ammananaadan, tana maaddarkkii” yaagiis.

Luqaasa 10:42

SHin koshshiyaagee issibaa; Mairaama baappe ooninne ekkenna lo77obaa dooraasu” yaagiis.

Naa77antto Qoronttoosa 12:9

Godai tana, “Ta aaro kehatettai neeyyo gidana; aissi giikko, ta wolqqai daafuran polettees” yaagiis; hegaa gishshau, Kiristtoosa wolqqai tanan de7ana mala, ta daafuran ceeqettanau taani daro ufaittais.

Zaarettido Wogaa 30:19

“Taani intte sinttan de7uwaanne haiquwaa, anjjuwaanne qanggettaa wottidoogau hachchi saluwaanne sa7aa intte bolli markkayana; simmi inttenne intte zaree de7uwan de7ana mala, de7uwaa doorite.

Piliphphisiyuusa 4:13

Kiristtoosi tau immido wolqqan, ubbabaa oottanau taani danddayais.

Yaasu Maxaafaa 24:15

GODAASSI goinniyoogee inttena iitikko, intte aawati shaafaappe hefinttan de7iiddi goinnido xoossata gidin, woikko ha77i intte de7iyo Amoore biittaa asatu xoossata gidin, intte goinnanaagaa hachchi doorite. SHin tananne ta keettaa asaa gidikko, nuuni GODAAYYO goinnana” yaagiis.

Yaasu Maxaafaa 24:22

Yaagin Yaasu asaa, “Intte GODAASSI goinnanaagaa dooridoogau intte huuphiyau intte markka” yaagiis. Yaagin eti, “Ee nuuni markka!” yaagidosona.