Mazamure Maxaafaa 119:1 - Wolaytta Bible

¹ Bantta ogiyan boree bainnaageetinne GODAA higgiyaadan hemettiyaageeti anjjettidaageeta.

Mazamure Maxaafaa 119:1 Iomraidhean Croise

Sameela Maxaafaa Naa77anttuwaa 22:22

Taani GODAA ogiyaa kaallaas; taani ta Xoossaa aggada wora babeikke.

Kawotu Maxaafaa Naa77anttuwaa 20:3

Woossiiddi, “Abeet GODAU, taani ne sinttan tumatettaaninne kumetta wozanan hemettidoogaanne qassi nena ufaissiyaabaa oottidoogaa taayyo neeni hassayana mala, taani nena woossais” yaagidi woossiis. Woossiiddi Hizqqiyaasi keehi mishettidi yeekkiis.

Iyyooba Maxaafaa 1:1

Uuxa giyo biittan Iyyooba giyo issi bitanee de7ees; i boree bainnanne suure asa; Xoossaassi yayyidi, iitabaappekka haakkida asa.

Iyyooba Maxaafaa 1:8

Yaagin GODAI Seexaanaa, “Yaatin, ta ashkkaraa Iyyooba akeekada be7adii? Sa7aa bollan a milatiya boree bainnanne suure asi mulekka baawa. I GODAASSI yayyiya, iitabaappekka haakkida asa” yaagiis.

Mazamure Maxaafaa 101:2

Taani suure ogiyaabaa qoppana. Neeni taakko aude yuutee? Taani ta keettan suuretettan hemettana.

Mazamure Maxaafaa 101:6

Eti tanaara de7ana mala, biittaa bolli de7iya ammanettiyaageeta taani keha aifiyan xeellais. Suuretettan hemettiya asi taayyo kiitettana.

Mazamure Maxaafaa 112:1

GODAA galatite! GODAAYYO yayyiyanne a azazuwaa polanau daroppe ufaittiya asi anjjettidaagaa.

Mazamure Maxaafaa 128:1

GODAASSI yayyiyaageetinne a ogiyan hemettiyaageeti ubbai anjjettidaageeta.

Leemiso Maxaafaa 11:20

GODAI iita qofai de7iyo asata ixxees; shin suure hemettiyaageetan ufaittees.

Leemiso Maxaafaa 13:6

Suure de7uwaa de7iya uraa a xillotettai naagees; shin nagaranchchaa a nagarai onggees.

Leemiso Maxaafaa 29:18

GODAI kaalettiyo kaaletuwaa ekkenna deree yeda; shin higgiyaa naagiya uri anjjettidaagaa.

Hizqqeela 11:20

He wodiyan eti ta higgiyaa kaallana; ta azazuwaakka naagana. Eti ta asa gidana; taanikka eta Xoossaa gidana.

Hoose7a 14:9

Aadhdhida erai de7iyo ooninne hagaa akeeko; wozani de7iyo ooninne hagaa ero. GODAA ogee suure; xilloti he ogiyaara hemettoosona. SHin nagaranchchati an xubettoosona.

Luqaasa 1:6

Eti naa77aikka Xoossaassi xillo gididi, Godaa higgiyaanne azazuwaa ubbaa moorennan, naagidi polidosona.

Luqaasa 11:28

SHin Yesuusi, “Anjjettidaageeti Xoossaa qaalaa siyidi, he qaalai azaziyoogaadan oottiyaageeta” yaagiis.

Yohaannisa 1:47

Naatinaa7eeli baakko yiyaagaa Yesuusi be7idi, “Genee bainna tumu Israa7eela asi hagaa!” yaagiis.

Yohaannisa 13:17

Intte hegaa eridi oottiyaabaa gidikko anjjettidaageeta.

Yesuusi Kiittidoogeetu Oosuwaa 24:16

Hegaa gishshau, taani qassi, Xoossaa sinttaaninne asaa sinttan ubba wode, pokkoi bainna zoriya wozanai taassi de7ana mala minnais.

Naa77antto Qoronttoosa 1:12

Nuuni ceeqettiyoogee hagaa; ha sa7an nuuni de7iyo de7oi, ubba qassi inttenaara nuuyyo de7iya issippetettai Xoossaa aaro kehatettaanappe attin, asa aadhdhida eratettaana gidennaagaa, qassi Xoossai immido geeshshatettaaninne suuretettan nuuni de7iyoogaa nuna zoriya wozanai nuuyyo markkattees.

Yaaqooba 1:25

SHin ooninne ailletettaappe kessiya bali bainna higgiyaa xeellidi, aani aqiyaagee qassi a naagiyaagee, siyidoogaakka dogennaagee, he urai ba oottiyo oosuwan anjjettana.

Ajjuutaa 22:14

Bantta maayuwaa geeshshi meecciyaageeti anjjettidaageeta. De7o mittaa aifiyaa maanaunne katamaa penggiyaara gelanau etayyo maatai imettiis.