Mazamure Maxaafaa 110:3 - Wolaytta Bible

³ Neeni ne morkketuura olettiyo gallassi ne asai eeno gaana. Maallado guuraa xaazaadan ne wodalla asai neekko qeeri geeshsha deretun shiiqana.

Mazamure Maxaafaa 110:3 Iomraidhean Croise

Hanidabaa Odiya Koiro Maxaafaa 16:29

“Bonchchoi a sunttaassa” giidi GODAABAA yootite. Yarshshuwaa ekkidi, a sintti yiite. A geeshshatettaa puulan GODAAYYO goinnite.

Nahimiyaa Maxaafaa 11:2

Yerusalaamen de7anau bantta sheniyan maayida asaa ubbaa asai anjjiis.

Mazamure Maxaafaa 29:2

“Bonchchoi a sunttaassa” giidi, GODAABAA yootite; a geeshshatettaa puulan GODAAYYO goinnite.

Mazamure Maxaafaa 96:9

A geeshshatettaa puulan GODAAYYO goinnite; biittan de7iya asau ubbau, a sinttan kokkorite.

Hizqqeela 43:12

“Beeta Maqidasiyaa higgee hagaa: Beeta Maqidasee keexettido deriyaa huupheenne a yuushuwan de7iya heerai ubbai ubbaappe aadhdhida geeshsha gidana. Ee, Beeta Maqidasiyaa higgee hagaa.

Mikiyaasa 5:6

Eti Asoore biittaa olan xoonana; qassi he biittan de7iya Naamiruudi keexxido katamaakka haarana. Asoore biittaa asati nu biittaa woraajjiyo wodenne nu zawaakka yedhdhiyo wode, nu biittaa haariyaagee nuna etappe ashshana.

Yesuusi Kiittidoogeetu Oosuwaa 1:8

SHin Geeshsha Ayyaanai intte bolli wodhdhiyo wode, wolqqaa intte ekkana; ekkidi Yerusalaameeninne Yihudaa biitta ubban, Samaariyaaninne sa7aa gaxaa gakkanaashinkka taassi markkattiyaageeta gidana” yaagiis.

Yesuusi Kiittidoogeetu Oosuwaa 19:20

Hegaa mala wolqqaama ogiyan Xoossaa qaalai dicceesinne aakkees.

Yesuusi Kiittidoogeetu Oosuwaa 2:33

Hegaa gishshau, Xoossai baappe ushachcha baggan a xoqqu xoqqu oottidi, ayyo Geeshsha Ayyaanaa immana giidoogaadan, Geeshsha Ayyaanaa ekkidi, hagaa intte ha77i be7iyoogaanne siyiyoogaa nu bolli gussiis.

Yesuusi Kiittidoogeetu Oosuwaa 2:41

PHeexiroosi yootidoogaa ekkidaageeti xammaqettidosona; he gallassi heezzu sha7u gidiya asai ammaniis.

Yesuusi Kiittidoogeetu Oosuwaa 21:20

Eti hegaa siyido wode Xoossaa galatidi, PHauloosa hagaadan yaagidosona; “Nu ishau, Aihudatu giddon Xoossaa ammanidaageetuppe aappun sha7ai de7iyaakko be7aasa; eti ubbaikka higgiyaa mintti naagoosona.

Yesuusi Kiittidoogeetu Oosuwaa 4:4

SHin qaalaa siyidaageetuppe daroti ammanidosona; ammanida attumaasaa qoodai ichchashu sha7aa keeni gidiis.

Naa77antto Qoronttoosa 13:4

aissi giikko, Kiristtoosi masqqaliyaa bolli misimaariyan xishettidi, daafuran kaqettiis; shin Xoossaa wolqqan paxa de7ees. Aissi giikko, i daafuranchcha gididoogaadan, nuunikka daafuranchcha; shin inttenaara haasayiyoogan nuuni Xoossaa wolqqan aara de7ana.

Naa77antto Qoronttoosa 8:12

Aissi giikko, issi urai Xoossau immanau keehi amottikko, Xoossai au de7ida keenaa ekkanaappe attin, au bainnabaa appe ekkenna.

Naa77antto Qoronttoosa 8:16

SHin nuuni intteyyo qoppiyoogaa mala, gita qofaa Tiita qofissida Xoossaa galatai gakko.

Efisoona 1:4

Nuuni a sinttan geeshshatanne pokkoi bainnaageeta gidana mala, Xoossai nuna sa7ai merettanaappe kase, Kiristtoosa baggaara ba siiquwan dooriis.

Piliphphisiyuusa 2:13

Aissi giikko, Xoossai inttena bau eeno giissanaadaaninne qassi i qoppidobaa intte oottanaadan intte giddon ubba wode oottees.

Koiro Tasalonqqe 4:7

Aissi giikko, Xoossai nuna geeshshatettan de7anau xeesidoogaappe attin, tunatettan de7anau xeesibeenna.

Tiitu 2:14

Iita ooso ubbaappe i nuna wozanaunne lo77obaa oottanau amottiya ba geeshsha asa kessanau, nu gishshau, ba huuphiyaa immiis.

Ibraawe 13:21

Xoossai Yesuus Kiristtoosa baggaara ba sinttan bana ufaissiyaabaa inttena ootissiiddi, inttekka i koyidobaa oottana mala, lo77o ooso ubban inttena i giigisso; Xoossai meri merinau bonchchetto. Amin77i.

Ajjuutaa 7:9

Hegaappe guyyiyan, zare ubbaappe, qommo ubbaappe, yara ubbaappenne dumma dumma biitta qaala ubbaappe ooninne qoodanau danddayenna zawai bainna daro asaa taani be7aas. He asai bootta maayuwaa maayidi, zambbaa haittaa ba kushiyan oiqqidi, kawotaa araataa sinttaaninne Dorssaa sinttan eqqiis.

Daannatu Maxaafaa 5:2

“Israa7eela asaa kaalettiyaageeti kaalettido gishshau, asaikka dosidi, ba huuphiyaa aattidi immido gishshau, GODAA galatite!

Daannatu Maxaafaa 5:9

Ta wozanai Israa7eela ola gadaawatuura de7ees. Asaa giddon dosidi banttana aattidi immidaageetuura de7ees. GODAA galatite!