Mazamure Maxaafaa 106:19 - Wolaytta Bible

¹⁹ Koreba Deriyan de7iiddi, worqqaa seerissidi maraa misiliyaa medhdhidosona; medhdhidi he misiliyaayyo goinnidosona.

Mazamure Maxaafaa 106:19 Iomraidhean Croise

Nahimiyaa Maxaafaa 9:18

“Eti mara milatiya eeqaa medhdhidi, 'Inttena Gibxxe biittaappe kessida intte xoossai hagaa' yaagidi nena gita cashshaa cayikkokka,

Kessaabaa 32:1

Asai Muusee deriyaappe wodhdhennan keehi gam77idoogaa be7ido wode, Aaroona yuushuwan shiiqidi, “Haaya; neeni nuna kaalettiya xoossata nuuyyo medhdha. Aissi giikko, ha nuna Gibxxeppe ehiida Muusee waanidaakkonne nuuni erokko!” yaagidosona.

Kessaabaa 32:35

Aarooni worqqaappe maraa misiliyaa medhdhanaadan asai giddido gishshau, GODAI asaa bolli gita boshaa yeddiis.

Yesuusi Kiittidoogeetu Oosuwaa 7:41

Mara milatissidi, he wode eeqaa oottidosona; he eeqaassi yarshshuwaa yarshshidi, bantta kushee oottido oosuwan ufaittidosona.

Koiro Qoronttoosa 10:7

Xoossaa maxaafai, “Asai maanaunne uyanau uttiis; qassi duranau denddi eqqiis” yaagiyoogaadan, qassi etappe issooti issooti eeqassi goinnidoogaadan, intte goinniyaageeta gidoppite.

Zaarettido Wogaa 9:19

GODAI intte bollan hanqqettido a eexxiya hanqquwaayyo taani yayyaas; aissi giikko, i inttena xaissanau giigiis; shin GODAI zaarettidikka taayyo siyiis.

Zaarettido Wogaa 9:21

Taani intte medhdhido he nagaran kumida mirgguwaa misiliyaa ekkada, taman xuuggaas; yaatada a kinchcherettada i buhiyaadan liiqana gakkanaashin gaaccaas; he buhiyaa deriyaappe goggiya haattan olaas.

Zaarettido Wogaa 9:8

Siinaa Deriyaa bollikka GODAI inttena xaissanau denddana gakkanaashin, intte GODAA hanqqetissideta.