Mazamure Maxaafaa 103:4 - Wolaytta Bible

⁴ I tana duufuwan gelennaadan ashshees; aggenna siiquwaaninne maarotan tana anjjees.

Mazamure Maxaafaa 103:4 Iomraidhean Croise

Doomettaabaa 48:16

iitabaa ubbaappe tana ashshida kiitanchchai, ha naata anjjo. Ta sunttainne ta aawatu Abrahaamanne Yisaaqa sunttai etan xeesetto. Eti sa7aa bollan corattona” yaagidi anjjiis.

Mazamure Maxaafaa 103:12

Awai mokkiyoosaappe awai wulliyoosai haakkiyoogaadan, hegaadankka GODAI nu mooruwaa nuuppe haassees.

Mazamure Maxaafaa 21:3

Neeni lo77o anjjuwaara akko yaasa; geeshsha worqqa kallachchaa a huuphiyan wottaasa.

Mazamure Maxaafaa 34:22

GODAI ba ashkkarata ashshees. Akko baqatida ooninne pirddettenna.

Mazamure Maxaafaa 5:12

Aissi giikko, abeet GODAU, tumukka neeni xilluwaa anjjaasa. Neeni gonddallee kammiyoogaadan ne kehatettan a kammaasa.

Mazamure Maxaafaa 56:13

Aissi giikko, neeni tana haiquwaappe, ta tohuwaa kunddettaappe ashshadasa. Hegaa gishshau, i paxa de7iyaageetu bollan poo7issiyo poo7uwan Xoossaa sinttan taani hemettais.

Mazamure Maxaafaa 65:11

Laittaa kalo laitta oottaasa; neeni aadhdhiyoosai ubbai kumi goggees.

Mazamure Maxaafaa 71:23

Taani diixxaidda, ufaissau ta qaalaa xoqqu oottada yexxana; neeni tana ashshido gishshau, taani nena sabbana.

Mazamure Maxaafaa 8:5

A neeni kiitanchchatuppe amaridaagaa ziqqissadasa; bonchchuwaanne gitatettaa akiliiliyaa a huuphiyan wottadasa.

Isiyaasa 38:17

Be7a, taani ha gita tuggaa tuggatidoogee taayyo lo77o gidiis. Neeni ta shemppuwaa bashshaa ollaappe guyye zaarada ashshadasa; neeni ta nagara ubbaa neeppe guyye zaarada oladasa.

Isiyaasa 54:8

Suulliya hanqquwan, taani ta sinttaa neeppe guutta wodiyau genttaas; shin merinaa siiquwan taani neeyyo qarettana” yaagees. GODAI, nena Woziyaagee hagaa odees.

Yaaqooba 1:12

Waayiyan gencciya urai anjjettidaagaa; aissi giikko, he waayiyaa xoonidoogaappe guyyiyan, Xoossai bana siiqiyaageetuyyo immana giido de7uwaa akiliiliyaa i ekkana.

Koiro PHeexiroosa 5:4

Qassi heemmiyaageetu halaqai beettiyo wode, moorettenna bonchcho akiliiliyaa intte ekkana.

Ajjuutaa 5:9

Eti, “Xaatta woraqataa ekkanaunne maatafaa peerada dooyanau neeyyo bessees. Aissi giikko, neeni shuhettadasa. Neeni qommo ubbaappe, dumma dumma biitta qaala ubbaappe, yara ubbaappenne zare ubbaappe ne suuttan Xoossaayyo asaa wozadasa.