Mazamure Maxaafaa 102:2 - Wolaytta Bible

² Ta waayiyaa gallassi ne som77uwaa taappe genttoppa. Ne haittaa taakko yegga; taani neeyyo waassiyo wode, taayyo eesuwan alla.

Mazamure Maxaafaa 102:2 Iomraidhean Croise

Iyyooba Maxaafaa 34:29

Xoossai co77u giikko, a pirddanai oonee? I ba som77uwaa wora zaarikko, asa maaddiyaabi baawa.

Iyyooba Maxaafaa 7:21

Ta balaappe aissi tana maarennan ixxai? Ta nagaraakka aissi atto geennan aggai? Simmi taani duufuwaa wodhdhiyo wodee gakkiis; neeni tana koyiyo wodekka, taani beettikke” yaagiis.

Mazamure Maxaafaa 104:29

Neeni ne som77uwaa genttiyo wode dagammoosona. Ne shemppuwaa neeni ekkiyo wode haiqqidi, bantta biittau simmoosona.

Mazamure Maxaafaa 13:1

Abeet GODAU, aude gakkanaassi neeni tana doguutee? Merinaayyo tana doguutee? Aude gakkanaassi neeni taappe geemmuutee?

Mazamure Maxaafaa 143:7

Abeet GODAU, taayyo zaaruwaa immanau ellella! Taani hitaas. Taani duge duufuwan geliya asatu mala gidennaadan, ne som77uwaa taappe genttoppa.

Mazamure Maxaafaa 17:1

Abeet GODAU, neeni taayyo xillo pirddaa pirddana mala, taani nena oichchiyoogaa siya; ta waasuwaa ezgga. Taani cimmenna inxxarssaappe woossiyo woosaakko, ne haittaa zaara.

Mazamure Maxaafaa 22:19

Abeet GODAU, neeni mati taappe haakkoppa. Abeet ta wolqqau, tana maaddanau eesuwan haaya.

Mazamure Maxaafaa 27:9

Ne sinttaa taappe genttoppa. Tana maaddidaagoo, tana ne ashkkaraa hanqqettada guyye zaaroppa. Abeet tana ashshiya Xoossau, tana oloppanne aggoppa.

Mazamure Maxaafaa 31:2

Ne haittaa taakko yegga; eesuwan tana ashsha. Neeni taani geemmiyo wogga zaallanne tana ashshiya mino qato taassi gida.

Mazamure Maxaafaa 40:13

Abeet GODAU, tana ashshanau eeno ga; abeet GODAU, tana maaddanau eesota.

Mazamure Maxaafaa 69:17

Taappe ne ashkkaraappe ne som77uwaa genttoppa; taani waayettiyo gishshau, taayyo eesuwan zaaruwaa imma.

Mazamure Maxaafaa 70:1

Abeet Xoossau, tana ashshanau eeno ga; abeet GODAU, tana maaddanau eesota.

Mazamure Maxaafaa 71:2

Ne xillotettan tana wotta ekka; ne haittaa taakko yeggada, tana ashsha.

Kessaabaa 2:23

Daro laittaappe guyyiyan, Gibxxe kawoi haiqqiis. Israa7eelati bantta ailletettaappe oolidosonanne waassidosona; bantta ailletettaappe eti waassido waasoi pude Xoossaakko gakkiis.

Kessaabaa 2:24

Xoossai eta ooliyaa siyidi, i Abrahaamaara, Yisaaqaaranne Yaaqoobaara maacetto maachchaa hassayiis.

Isiyaasa 43:2

Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Isiyaasa 65:24

Eti tana xeesanaappe kasetada taani etau koyana; qassi eti biron haasayishin, taani etau siyana.

Isiyaasa 8:17

Taani ba som77uwaa Yaaqooba zaretuppe genttiya GODAA naagana; qassi an ammanettana.

Koiro Qoronttoosa 10:13

Inttena gakkiya paacee, asa ubbaa gakkiya paace malappe attin, ainne dummatenna. Intte wolqqai danddayiyoogaappe aadhdhiya paaciyan intte paacettanau koyenna Xoossai ammanettidaagaa. SHin inttena paacee gakkiyo wode, he paaciyaa i inttena danddayissana. Qassi he paaciyaappe intte kessi ekkiyo ogiyaakka immana.