Mazamure Maxaafaa 102:13 - Wolaytta Bible

¹³ Neeni denddada, Xiyoonessi qarettana; aissi giikko, neeni a maariyo wodee gakkiis; hagee neeni doorido wodiyaa.

Mazamure Maxaafaa 102:13 Iomraidhean Croise

Mazamure Maxaafaa 135:13

Abeet GODAU, ne sunttai merinau de7ana; yeletaappe yeletaa gakkanaassi neeni hassayettana.

Mazamure Maxaafaa 44:26

Abeet Godau, dendda! Nuna maadda! Aggenna ne siiquwaa gishshau, nuna woza.

Mazamure Maxaafaa 51:18

Abeet Xoossau, ne dosan Xiyooneyyo keha; Yerusalaame gimbbeta gimbba.

Mazamure Maxaafaa 7:6

Abeet GODAU, ne hanqquwan denddada, ta morkketu eexxiya hanqquwaa xaissa. Ta Xoossau, beegotta; tumaa pirdda.

Mazamure Maxaafaa 75:2

Xoossai hagaadan yaagees; “Doorada keerido gallassi, suure pirddaa pirddana.

Mazamure Maxaafaa 90:2

Dereti merettanaappe kase, woikko neeni sa7aa oottanaappe kase, merinaappe merinaa gakkanaayyookka neeni Xoossaa.

Mazamure Maxaafaa 92:9

Abeet GODAU, ne morkketi xayanaagaanne iita oottiya ubbati piskki gaanaagaa nuuni eroos.

Kessaabaa 3:15

Xoossai Muusa qassi, “Neeni Israa7eelata, 'GODAI intte aawatu Xoossai, Abrahaama Xoossai, Yisaaqa Xoossai, Yaaqooba Xoossai, i tana inttekko kiittiis' yaaga; hagee yeletaappe yeletaa gakkanau taani hassayettanau merinau ta suntta.

Isiyaasa 14:32

Kawotettai kiittidoogeetussi woigidi zaaranee? 'GODAI Xiyoone keexxiis; keexxin qohettida a asai i giddon qosetti attiyoosaa demmiis' yaagana” yaagiya qaalai odettiis.

Isiyaasa 40:2

Yerusalaamessikka, a omooduwan de7ido wodee polettidoogaa, i nagarai atto geetettidoogaa yootite; i nagaraa gishshau, GODAI o naa77u dakko qaxxayidoogaa yootite” yaagees.

Isiyaasa 60:1

GODAI hagaadan yaagees; “Dendda! Denddada poo7issa; aissi giikko, ne poo7oi yiis. GODAA bonchchoikka ne bollan poo7iis.

Ermmaasa 31:23

Ubbaappe Wolqqaama GODAI, Israa7eela Xoossai, hagaadan yaagees; “Taani Israa7eela asaa omooduwaappe zaarada ishalissiyo wode, Yihudaa biittaaninne a katamatun eti naa77anttuwaa, 'Nenoo xillotettai de7iyo sohuwau, nenoo geeshsha deriyau, GODAI nena anjjo' yaagana.

Daaneela 12:9

Oichchin i zaaridi, hagaadan yaagiis; “Daaneelaa, ba. Aissi giikko, hagee maxaafai wurssettaa wodee gakkanaashin gorddettidabaanne maatafai a bolli wodhdhidobaa.

Yesuusi Kiittidoogeetu Oosuwaa 1:7

Oichchin Yesuusi eta, “Ta Aawai ba godatettan keerido aginaanne wodiyaa intte eranaassa gidenna.

Galaatiyaa 4:4

SHin wodiyaa wurssettai gakkido wode, Xoossai maccaasi yelidoogaa, higgiyaa garssan yelettidaagaa, ba na7aa kiittiis.

Naa77antto PHeexiroosa 3:12

Intte Xoossaa gallassaa naagishin, he gallassai eesuwan gakkanaadan, intteyyo danddayettiyaabaa oottite; he gallassi saloti xuugettidi xayananne saluwaa meretatikka wolqqaama mishuwan seerana.

Naa77antto PHeexiroosa 3:8

SHin ta siiqotoo, ha issi yohiyo dogoppite; Godaa matan, issi gallassai sha7u gallassa mala gidiyoogaanne, qassi sha7u gallassai issi gallassa mala gidiyoogaa dogoppite.