Mazamure Maxaafaa 101:5 - Wolaytta Bible

⁵ Geeman ba shooruwaa zigiriyaagaa taani sirphphi oottana. Otorettiyaanne ayyiya asa taani danddayikke.

Mazamure Maxaafaa 101:5 Iomraidhean Croise

Mazamure Maxaafaa 138:6

GODAI bolla xoqqan de7ikkokka, hiyyeesata keha aifiyan xeellees. SHin otoranchchata i haahuwan erees.

Mazamure Maxaafaa 15:3

hara asa sunttaa moorennaagaa, ba lagge bolli iitabaa oottennaagaa, ba shooro zigirennaagaa;

Mazamure Maxaafaa 18:27

Banttana ziqqissiyaageeta ashshaasa; shin banttana xoqqissiyaageeta neeni ziqqissaasa.

Mazamure Maxaafaa 50:20

Ne uttidosan ne ishaa iissada haasayaasa; ne aayee na7aa zigiraasa.

Kessaabaa 20:16

“Ne shooruwaa bollan wordduwaa markkattoppa.

Kessaabaa 23:1

“Worddo odo puukkoppa; worddo markka gidada, iita asa maaddoppa.

Leemiso Maxaafaa 10:18

Ixxiiddi ba ixxiyoogaa erissenna urai worddanchcha; zigirssaa laaliya uraikka eeyya.

Leemiso Maxaafaa 20:19

Zigirssanchcha asi xuuraa genttenna; hegaa gishshau, odanchcha uraara gaittoppa.

Leemiso Maxaafaa 21:4

Iitati otorettiyoogaaninne ayyiyoogan erettoosona; hegeekka nagara.

Leemiso Maxaafaa 25:23

Huuphessa bagga carkkoi iraa ehiyoogaadan, zigirssai hanqquwaa ehees.

Leemiso Maxaafaa 30:13

Otoruwaa meexxiya asatinne asa karidi xeelliya asati de7oosona.

Isiyaasa 2:11

Asa otoroi giiyana; a kilahoikka seerana; he gallassi GODAA xalaalai xoqqu xoqqu gaana.

Hizqqeela 22:9

Ne giddon de7iyaageetuppe issooti issooti harata worissanau wordduwaa yootoosona; haraati deriyaa bolli de7iya eeqau goinniyo sohotun moosona; qassi haraati maccaasaara shaaramuxoosona.

Daaneela 4:37

“Ha77i simmi taani Naabukadanaxoori saluwaa Kawuwaa galatais; a xoqqu xoqqu oottaisinne bonchchais. Aissi giikko, i oottiyoobai ubbai likke; a ogeti ubbaikka xillo; qassi otoruwan biyaageeta i kaushshanau danddayees” yaagidi xaafiis.

Wogaabaa 19:16

“'Ne asaa giddon iita zigirssaa ekkada yuuyoppa. “'Ne shooruwaa woriyoobaa aibanne oottoppa. Taani GODAA.

Luqaasa 18:14

“Taani inttessi odiyoogee aibee giikko, hagee Parisaawiyaappe xillidi, ba soo biis. Aissi giikko, bana xoqqu oottiya urai kauyyana; shin bana kaushshiya urai xoqqu gaana” yaagiis.

Koiro Qoronttoosa 5:11

SHin ishantta ha77i geetettiyaageetuppe issoinne shaaramuxana qaaqqatiyaagaa woi miishshaa amottiyaagaa woi eeqassi goinniyaagaa woi cayiyaagaa woi mattottiyaagaa woi bonqqiyaagaa gidikko, intte aara issippe gaittenna mala, taani inttessi xaafaas. Hegaa malaara harai atto, qumaakka mooppite.

Koiro Ximootiyoosa 3:11

Hegaadan qassi eta maccaasati cinccata, zigirennaageeta, kiphatanchchata, ubbaban ammanettiyaageeta gidanau bessees.

Tiitu 2:3

Hegaadankka cima maccaasai geeshsha de7o de7iya maccaasatudan haniyaagaa, zigirennaagaa, woine eessassi haarettennaagaanne lo77obaa tamaarissiyaagaa gidanau bessees.

Sameela Maxaafaa Koiruwaa 2:3

“Otoro haasayaa aggite; otoro qaalai intte doonaappe kiyoppo. Aissi giikko, GODAI eriya Xoossaa; asa ooso i yiggi xeellees.