Mazamure Maxaafaa 101:3 - Wolaytta Bible

³ Taani ta aifiyan pokkobaa xeellikke. Xoossaappe wora simmida asatu oosuwaa ixxais; eti mulekka tanaara gidokkona.

Mazamure Maxaafaa 101:3 Iomraidhean Croise

Iyyooba Maxaafaa 31:1

“Maccaasa xeellada amottennaadan, taani ta aifiyaara maachchaa maacettaas.

Mazamure Maxaafaa 119:113

Taani naa77u qofai de7iyo asata ixxais; shin ne higgiyaa siiqais.

Mazamure Maxaafaa 119:37

Pattennabaa xeellenna mala, ta aifeta teqqa; ne ogiyan ta de7uwaa ooraxissa.

Mazamure Maxaafaa 125:5

Bantta geella ogiyaa simmiyaageeta neeni iitaa oottiyaageetuura issippe qaxxaya. Israa7eelayyo saroi gido!

Mazamure Maxaafaa 139:22

Taani eta mule ixxais; eta taani ta morkketudan qoodais.

Mazamure Maxaafaa 14:3

SHin ubbaikka wora simmidosona; ubbaikka muleera go77ennabaa gididosona. Lo77iyaabaa oottiya ooninne baawa; harai atto issoinne baawa.

Mazamure Maxaafaa 36:3

A doonaappe kiyiya haasayai genenne worddo. Aadhdhida eraabaanne lo77obaa oottiyoogaa i aggiis.

Mazamure Maxaafaa 39:1

Taani, “Ta inxxarssan nagara oottennaadan, ta ogiyaa naagana. Iita asati ta sinttan de7iyo wode, ta doonaa barana” yaagaas.

Mazamure Maxaafaa 40:4

GODAA bau ammanettiyoobaa oottida asi, otoranchchatukkonne worddo xoossatussi goinniyaageetukko simmenna asi anjjettidaagaa.

Mazamure Maxaafaa 41:9

Harai attin, taani ammanettiyo ta siiqo laggee, taani barssidoogee ta kushiyaa saxxiis.

Mazamure Maxaafaa 78:41

Eti zaari zaaridi, Xoossaa paaccidosona; Israa7eela Geeshshaa hanqqetissidosona.

Mazamure Maxaafaa 78:57

Eti bantta aawatudan makkalanchchatanne kaddanchchata gididosona. Geella tooraadan wora wodhdhidosona.

Mazamure Maxaafaa 97:10

GODAI iitaa ixxiyaageeta siiqees. I Xoossaa asata naagees; qassi eta iitatu kushiyaappe ashshees.

Kessaabaa 20:17

“Ne shooruwaa keettaa amottoppa; ne shooruwaa keettaayyiyo, woikko a ashkkaraa, woikko a ashkkariyo, woikko a booraa, woikko a hariyaa, woikko ayyo de7iyaabaa aibanne amottoppa” yaagiis.

Kessaabaa 32:8

Taani eta azazido ogiyaappe eti eesuwan sher77i giichchidosona. Worqqaa seerissidoogaa mara malatissidi, banttau eeqaa medhdhidosona. Medhdhidi ayyo goinnidosona; ayyo yarshshidosona. Eti, 'Israa7eelatoo, inttena Gibxxe biittaappe kessida intte xoossati hageeta' yaagidosona” yaagiis.

Leemiso Maxaafaa 6:12

Iita asinne hanttaara asi, yuuyi yuuyidi wordduwaa odees;

Leemiso Maxaafaa 6:13

i ba aifiyan qim77otees; ba tohuwan bessees; ba biradhdhiyan malaatees.

Leemiso Maxaafaa 6:25

I puulaa ne wozanan qaaqqatoppa; i qim77otankka omoodettoppa.

Leemiso Maxaafaa 8:13

Godaassi yayyiyoogee iitatettaa ixxiyoogaa; taani otoruwaanne ayyuwaa ixxais; iitasaa efiya ogiyaanne worddo haasayaa dosikke.

Eranchchaa Maxaafaa 6:9

Aifiyan be7iyoobai amottiyoobaappe keha. Qassi hegeekka carkkuwaa oiqqanau yedettiyoogaa mala hada.

Isiyaasa 30:11

Ogiyaappe kichchite; loossuwaappekka issi baggi simmite; nuuni Israa7eela Geeshshaabaa zaarettidi siyokko” yaagoosona.

Isiyaasa 33:15

Xillotettan hemettiyaagee, suurebaa haasayiyaagee, suure gidenna ogiyaara beettiya go77aa ixxiyaagee, mattaayiyaa ekkanau ba kushiyaa yeddennaagee, suuttaa gussiyoobaa siyennaadan, ba haittaa tucciyaagee, iitabaa xeellennaadan, ba aifiyaa qilimmiyaagee,

Ermmaasa 22:17

SHin harabaa aggidi, ne aifeenne ne wozanai jaamiyoogee ne go77aa demmanaassanne xillo suuttaa gussanaassa, asa suganaassanne huqqunnanaassa.

Mikiyaasa 2:2

Eti goshsha gadiyaa amottikko, asabaa wolqqan ekki aggoosona; keettata koyikkokka ekki aggoosona. Asa maataa yedhdhidi, a laataa coo bonqqoosona.

Zakkaariyaasa 8:17

issoi issuwaa qohanau iitabaa intte wozanan maqettoppite; wodoruwan caaqqiyoogaa dosoppite. Hageeta ubbaa taani GODAI ixxais” yaagees.

Maatiyoosa 5:28

SHin taani intteyyo odais; maccaaro xeellidi amottiya ubbai, ba wozana giddon he wode iira shaaramuxiis.

Roome 12:9

Intte siiqoi asa bessanau siiqettiyoobaa gidanau bessenna; iitabaa ixxite; lo77obaa minttidi oiqqite;

Galaatiyaa 4:9

SHin ha77i Xoossaa eridi, ubbakka Xoossan erettiichchidi, laafanne qassi karettida ha ayyaanatukko waanidi simmeetii? Wodhdhi eqqidi, aille gididi, naa77anttuwaa etayyo haarettanau koyeetii?

Zaarettido Wogaa 13:17

Hirima geetettida miishshaappe aibinne intte kushiyan beettoppo. Yaatikko, GODAI ba wolqqaama hanqquwaappe simmidi, inttena maarana; i intteyyo qarettana. Kase intte maizza aawatuyyo caaqqido maachchaadan, intte qoodaa darissana.

Zaarettido Wogaa 15:9

'Acuwaa maariyo laappuntta laittai matiis' gaada, hiyyeesa Israa7eelaa iita aifiyan xeellada, ayyo aibanne tal77iyoogaa digganau iita qofai ne wozanan gelennaadan naagetta. Hegee xayikko, i neeppe GODAU waassana; hegee neeyyo nagara gidana.

Ibraawe 10:39

Nuuni ammanidi attidaageetu bagga gidiyoogaappe attin, guyye simmidi xayidaageetu bagga gidokko.

Yaasu Maxaafaa 23:6

“Hegaa gishshau, Muuse Higgiyaa Maxaafan xaafettida ubbaa naaganaunne oottanau keehippe minnite; appe ushachchi haddirssi gooppite.

Naa77antto PHeexiroosa 2:21

Aissi giikko, etau imettida geeshsha azazuwaa eridi aggiyoogaappe eti xillotettaa ogiyaa erennan aggiyaakko lo77o shin.

Koiro Yohaannisa 2:19

Ha morkketi nu bagga gidenna gishshau, nu giddoppe kiyidosona; aissi giikko, eti nu bagga gidiyaabaa gidiyaakko, nu giddon de7ana; shin etappe ooninne nu bagga gidennaagee erettana mala, nu giddoppe kiyidosona.

Sameela Maxaafaa Koiruwaa 15:11

“Taani Saa7oola kawo kessidoogau azzanais; aissi giikko, Saa7ooli tana kaalliyoogaa aggiis; ta azazuwaa oottibeenna” yaagiis. Yaagin Sameeli metootiis; metootidi he qamma kumettaa GODAAKKO waassiis.